وحشاني موت 
----------------
من يوم ماصحيت على هجرانك 
محروم من حبك وحنانك 
وفارقني النوم 
لو كنت أنا عارف كده يحصل 
ولا كنت وافقتك ولا يحصل 
لكن مقسوم 
-
بعدك خلاني أدوب أكتر 
وليلاتي من الفكر وبسهر 
ونكد وهموم 
والعيشه ياروحي ماتنطأشي 
والله حرام إنك تمشي 
لو حتى ليوم 
- 
بتمنى قريب ليا تعودي 
وارجع واحسك فـ وجودي 
نورتي ياريت 
وأبص أشوفك حواليا 
إشتقت كمان للملاغيه 
أبداً مانسيت 
-
عاشقك وانا كنت أكيد عارف 
لكن فين حبك مش شايف
على فين بيروح 
وازاي راح اعيش من غير روحي 
وياكي تروح لما تروحي 
راح أموت بوضوح 
-
مستني تقولي أما تجيني 
بالحب أكيد هتصارحيني 
مش بس كلام 
لو صادقه فـ حبك هتكوني 
وباذن المولى هتشفوني 
من شوق وهيام
-
صارحيني وقولي إني بحبك 
والعيشه تغور لو مش جنبك 
أنا قلبي جريح 
أنا عارف هي يادوب كلمه 
لو بس كلام ملهوش لازمه 
وياريت تصريح 
-
مستني وصولك ياحياتي 
وحنانك من قلبك هاتي 
كل المسموح 
ما أظنش دي كتيره عليا 
عارفاني هحطك في عنيه 
وفداكي الروح
-----------------
هشام عوض محمد 
الثلاثاء 21-7-2015م