مجلة مشكاتي للشعر ..... للشاعر هشام عوض

 

*** كاسات النوح

----------------

شربت كتيـر كاسات النـوح

أطيـر ازاي وانا المجروح 

نبضي معاك وهمس البوح

وانا ويـاك ف قلبي الروح

قـلبــك هنــايا و بميــل لُـه

من كُـتْـر عشقـي أتزلل لُه

أخـدُه في حضني وأقـولــه

انت السعادة ونبض الروح

تظهـرلي حبك وتغيب ليـه

انـا قلبي حبك يا ابن الأيـه

لو شفـت حبي وتعمل بِيــه

لكنـت تبكي آهـات وتنـوح

دا كل عِـلَّـه و ليهـا طبيـب

و انا عِـلَّـتِـي بُعـاد الحبيب

غـرامه نـار وشـوقه لهيب

وانـت دوا قلبي المجـروح

الصدق نور تعاله قول لي

انت فهمـت اللي في قـلبـي

لو كُـنت فـاهم وبتميــل لي

كفـايه كــلام قلبي مفتــوح

شغـلّـتُـه ليـه الله يجــازيـك

عـلي الـدوام بـيـفكـر فيــك

العشـق نــار حـرام عليـك

وعمري ليك والله والروح

------[مبروك البنا]------

  • Currently 0/5 Stars.
  • 1 2 3 4 5
0 تصويتات / 58 مشاهدة
نشرت فى 31 يناير 2019 بواسطة Meshkaty2

عدد زيارات الموقع

98,029