<!--[if !supportLineBreakNewLine]-->
فى عز الليل يقوم المسلم يصلى الفجر ويقرا الكتاب
كتاب حكيم من عند رب العالمين بيحرم القتل والعنف والإرهاب
وأخوه المسيحى لابس ونازل رايح كنيسته يصلى ويدعى لرب العباد
كنيسة وجامع فى ناصية شارع
الهلال والصليب رمز وحدة شعبنا
بيهم خرجنا الغريب من ارضنا
مش فاكر لما كنا في الميدان
اتحدى أنك في يوم تقدر تنسى اللي كان
مع بعض هدينا حيطان وبيبان
وفي أسبوعين مع بعض برضه غيرنا الزمان
وقدرنا نكسر ظلم عاش فينا سنين
عرفنا كل العالم يعني أيه مصريين
أبدا ما كان بينا مسلم ومسيحيين
طب مين اللي فجر كنيسة القديسين
مش هو نفسه اللي عاوزنا نبقى اتنين
تلاتين سنة سرقوا يا صاحبي العمر
***
طب قولي مين اللي خرب لبنان
أو فكر وقولي مين اللي قسم السودان
طب لما مشينا مبارك مين اللي كان زعلان
دول حتى عاوزين ياخدوا مننا نيلنا كمان
يا ترى لسه أنت مش عارف مين اللي خان
***
من صغرنا مع بعضنا محمد ومينا
مع بعضنا نكبر ويكبر حلمنا فينا
صدقني مهما بعدنا تفضل مصر جوانا
نفدي ترابها بدمنا هي اللي شايلانا
طب قولي أيه من غيرها تسوى دنيانا
أوعى نضيع أرضها هي اللي حاميانا
يلا ياصاحبي نحط الايد في الايد
يلا يا صاحبي كفاية نعيد ونزيد
أوعاك في يوم تضيع دم الشهيد
وأوعاك في يوم تنسى خالد سعيد
ارضنا واحدة ونبضنا واحد علشان كلنا مصريين
ساحة النقاش