دكتور محمد خيري "علاج امراض السمنة والنحافة "

كل ما يهمك عن الصحة والرشاقة والجمال وضبط الوزن ..........

🔹 الكافيين مادة منبهة طبيعية موجودة في الشاي والقهوة ونبات الكاكاو.🔹التأثير الأساسي للكافيين بيكون على المخ.🔹 الادينوسين بيتكون ويزيد على مدار اليوم وبيسبب الإرهاق والإنهاك والإحساس بالنوم، الكافيين بقى بيتحد مع مستقبلات الادينوسين فيخليك تفوق وتصحصح كده 😲🔹 الكافيين بيزود الادرينالين في الدم وبيعلي الدوبامين والنورادرينالين فبيفوق ويزود التركيز.🔹 الكافيين تأثيره سريع، كوب قهوة ممكن تعلي الكافيين في الدم ف خلال 20 دقيقة والتأثير الكامل ف ساعة.
طيب إيه فوايد الكافيين؟؟1. الكافيين بيحسن الموود ووظائف المخ، والتركيز، والذاكرة القصيرة، وسرعة رد الفعل، بيقلل نسب الانتحار، وبيقلل خطر الإصابة بالاكتئاب..⚠ لكن الحقيقة إن طريقة شرب القهوة بتاعت فنجان ف ضهر فنجان دي مش مفيدة خااااالص ⚠فنجان القهوة الأول هيعدل الموود ويزود الانتباه لكن التاني مش حيكون له تأثير الا لو خدناه بعد 8 ساعات.2. القهوة بتزود الحرق، تناول 300 مج كافيين ف اليوم بيحرق 80 كالوري زيادة في السنة.3. بيحسن الآداء الرياضي وبيحسن مقاومة الإجهاد العضلي في تمارين المقاومة وتمارين عالية الشدة ... جرعات ٣-٥ مجم/كج ساعة قبل التمرين كافية جدا.4. بيقلل مخاطر الإصابة بأمراض القلب، وبتقلل خطر الإصابة بالسكتات الدماغية.5. بيقلل خطر الإصابة بالسكر من النوع التاني.اللطيف إن القهوة منزوعة الكافيين برضه بتقلل خطر الاصابة بالسكر لكن بنسب أقل وده دليل على إن القهوة فيها مركبات أخري غير الكافيين بتكون مفيدة للصحة.6. بيحمي الكبد من الإصابة بالتليف.7. بيقلل خطر الوفاة المبكر خصوصًا الأطفال ومرضى السكر.8. بيقلل خطر الإصابة بسرطان الجلد.9. بيقلل خطر الإصابة بالتصلب المتعدد.10. بيقلل خطر الإصابة بالنقرس.11. بيحسن صحة الأمعاء وبيزود نشاط البكتيريا النافعة.
كل دي فوائد الكافيين أومال إيه بقى؟! 😁
⚠️ الكافيين في جرعة أقل من 400 مجم (٢-٤ كوب قهوة) في اليوم بيكون أمان لكن طبعًا في تعود... ولازم الجرعة الواحدة من الكافيين لا تتجاوز ٢٠٠ مجم.⚠️كافيين كتير بيسبب الصداع، ميجرين وارتفاع في ضغط الدم.⚠️ الكافيين بيعدي المشيمة وبيزود نسب الإجهاض أو ولادة رضع قليلي الوزن، الحوامل لازم ياخدوا كافيين أقل من ٢٠٠ مجم / يوم⚠️الكافيين بيتفاعل مع بعض الأدوية زي باسط العضلات وبعض مضادات الاكتئاب.⚠️الناس اللي بتاخد حديد مكملات غذائية او معرضين لنقص الحديد (النياتيين، والسيدات بين 15-50 سنة) تشرب كافيين ساعة قبل الفيتامين أو الوجبة، وساعتين بعد الفيتامين أو الوجبة.
  • Currently 0/5 Stars.
  • 1 2 3 4 5
0 تصويتات / 262 مشاهدة
نشرت فى 1 أكتوبر 2021 بواسطة MOHAMEDKHAIRY2

دكتورمحمد خيري

MOHAMEDKHAIRY2
دكتور تغذية علاجية وعلاج أمراض السمنة والنحافة دبلوم التغذية العلاجية المعهد القومي للتغذية ماجستير أمراض الباطنة والسمنة جامعة القاهرة د.دكتوراة العلاج الطبيعي والسمنة جامعة القاهرة /عضو الجمعية المصرية لدراسة السمنة EMASO / عضو الشبكة الدولية لإذابة الدهون /عضو الجمعية الامريكية للسمنة / عضو الجمعية العربية للتغذية العلاجية EASHTEN عضو جمعية »

البحث في الموقع

تسجيل الدخول

عدد زيارات الموقع

74,518

اجعل دواؤك من غذائك ..........

اجعل دواؤك من غذاؤوك,,,,,,,,,,,,,,,,,,,,,,,,,,,,
 فاذا كنت تستطيع ان تشفي المريض بالغذاء فلا حاجة للدواء, واذا كان الغذاء جيدا فلا حاجة من الدواء, واذا كان الغذاء سيئا فلا جدوي من الدواء