جميع الحقوق محفوظة لصفحة
آل سلام لتعبئه المواد الغذائيه ودواجن التسمين 
آل سلام لتعبئه المواد الغذائيه ودواجن التسمين
يسمح بتداول النشر والطبع ولكن بشرط ذكر المصدر
http://kenanaonline.com/MAS2008
لحجز كتاكيت ماس لخدمات الدواجن
01000858956
موضوع خارج الدواجن لكنة منجاة لناس كتيرة بتخسر فى المجال دة
نعلم ان غالبية المربين مديونين وان فية خساير كتير فى المجال سواء بسبب الفيروسات والامراض او بسبب سعر السوق والخامات
طيب ...
هل الموضوع لة علاقة بالخبرة
اقولك لا
لان خبراء كتير برضك بيخسروا
طيب اية العلاج ؟؟
جرب الوصفة دى 5 حاجات منجيات لما انت فية
فبسم الله نبدء وعلية نتوكل ولكن اترك لنا دعوة بظاهر الغيب
الاولى
المداومة على الاستغفار (( فقلت استغفروا ربكم إنه كان غفارا يرسل السماء عليكم مدرارا ويمددكم بأموال وبنين ويجعل لكم جنات ويجعل لكم أنهارا ))بس يكون بتركيز وتفكر فى المعنى يعنى مش نردد كلام وخلاص .
الثانية
حاول متطلعش عليك الشمس وانت نايمعلشان توزيع الارزاق يعنى صلى فجرك واقعد قول اذكار الصباح وبعدها اطلع مزرعتك او شغلك هتلاقى اليوم متسع وفية بركة انك تعمل حاجات كتير .
الثالثة
خلى نيتك انك تأكل الناس حاجة نظيفة يعنى خلى التربية بنية اكل الناس والمسلمين مش بنية المربح يعنى حاول اخر الايام متحطش دواء واكثر من شغل الاعشاب ، خدلك اى وصفة من اللى كتبناهم على الجروب واشتغل بيها بنية انك تطلع لحم نظيف
الرابعة
الصدقةالكلمة دى رهيبة جدا للى يعرف فوائدها وازاى بتشيل بلاوى عن الواحد وبتوسع الرزق
الخامسة
حاول تمشى لمصلحة حد بدون مقابل اى حاجة حتى لو بسيطة مش بهدف الربح لكن بهدف قضاء حوائج الناس حتى لو مش عارف تعمل اية
اعطية معلومة من اللى بتسفاد منها هنا على الجروبات على الانترنت .
5 حاجات لا يمكن ربنا يخذلك ويخسرك حتى لو الدنيا كلها خسرانة
بس اعملها باستحضار القلب والنية
اللهم اجعل جميع اعمالنا خالصة لوجهك الكريم
مع تحياتى
مهندس عاطف عبد الدايم
جميع الحقوق محفوظة لصفحة
آل سلام لتعبئه المواد الغذائيه ودواجن التسمين
آل سلام لتعبئه المواد الغذائيه ودواجن التسمين
يسمح بتداول النشر والطبع ولكن بشرط ذكر المصدر
http://kenanaonline.com/MAS2008
