جميع الحقوق محفوظة لصفحة
آل سلام لتعبئه المواد الغذائيه ودواجن التسمين 
آل سلام لتعبئه المواد الغذائيه ودواجن التسمين
يسمح بتداول النشر والطبع ولكن بشرط ذكر المصدر
http://kenanaonline.com/MAS2008
موقف احب اسردة هنا
جالنا مستشار علمى لشركة كورية علشان يقنعنا بمنتج
غريب جدابيقول بيتحدى بية
وانة مجرب عن فلان رجل الاعمال المشهور فى مزارعة
تخيل المنتج ده عبارة عن فرشة للفراخ ؟؟؟
فرشة يا مؤمن فرشة !!!!!
تخيل
كوريين جايين لغاية السعودية علشان يروج لفرشة فراخ
بس مش اى فرشة
بيقول انها مش بيطلع منها ريحة خالص
بيقول هيقل جدا معاك المشاكل التنفسية
بيقول هتعمل تحويل افضل بكتير من اللى متعود علية
كل ده جميل
احد العملاء عندى قالى تعالى شوف المنتج دا علشان
اتعامل معاهم ولا اطنشهم
تخيل لقيتة اية؟؟؟؟؟؟؟؟؟؟؟؟؟؟؟؟؟؟؟؟؟؟
لاقيتة الغلاف الخارجى لحبة الارز يعنى الرجيع
بعد ما بناخد الارز بيكون فية غلاف هو ده
وبسعر كويس جدا كمان
طيب فضلت متعجب الموضوع لغاية لما قلتلهم اشوف
التجربة على ارض الواقعرحنا لمشروع مجرب الفرشة ده
فعلا المهندس المشرف قال ان مفيش ريحة خالص طوال
الدورة والطشمة بتيجى متاخرة جدا على غير العادة
والتحويل افضل من كل مرة
قلت للراجل اللى طالب مشورتى اتوكل على الله
واتعامل معاهموحبيت اشوف طبيعة المنتج دا اية
تخيل
لاقيتة رجيع الارز بس معالج بخليط من كلوريد الالومونيوم
مع كربونات الكالسيوم بنسب معينة
((مرضاش يبلغنى بيها))
مع العلم اننا كاتبين بوستات كتيرة جدا عن اضافة
المنتجين دول للفرشة للتخلص من الامونيا
للناس اللى ملهاش فى الاسماء الكيميائية دول خالطين
جير مع شبة على الفرشة وجايين يبيعوها لنا
طبعا هم بينصحو اننا نعمل طبقة نشارة عادية ونحط
فرشتهم فوقها بشكل معين
ولة طريقة شغل وارشادات من عندهم
بس سيبك من دا كلة
انا بس بوضح ان فكرة بننادى بيها من فترة
الكورين حولوها لفرشة تباع وتصدر للدول
وانت يا حضرة المربى
مش عاوز تشتغل بالطريقة اللى بننصحك بيها
ملحوظة نفس الشركة عندها منتج لمنع الاحتباس
الحرارى وزعلت جدا لما عرفت ان تركيبتة عرق سوس
لان يشهد الله انى اول من جرب تاثير العرق سوس على
الاحتباس الحرارى وان الفكرة جاتنى من تاثيرة على
الصيام لما بنشربة قبل السحور فى ايام الصيام الحارة ده
اللى خلانى اجربة على الفراخ
المهم ان بعد فترة هتلاقى الكوريين والصيين واخدين كل
الاعشاب اللى بنشتغل بيها او بننصح بيها دى ويعملوها على هيئة مستخلصات وبيعوا لنا هنا
جرب الشغل اللى بننصح بية
لا تتكاسل
سيبك من الشغل التقليدى او الكيماوى اللى بهدل الناس ده
بسرد القصة دى علشان نبين ان كل العالم من حولنا
شغال بطريقة مختلفة ولا يعانى ما نعانية نحن
اللهم اجعل عملنا هذا خالص لوجهك الكريم
مع تحياتى وشكرا
مهندس عاطف عبد الدايم
انتهى كلام الرجل العلامة الرجل الذى ادين انا شخصيا له بالكثير والكثير
نعم ايها السادة والله والله العلى القدير ان كل وصفات هذا الرجل بأت جميعها
بالنجاح والله هناك منتجات حالية تسوق من خلال وصفاتة وعلاجاتة .
ايها الرجل الهمام ارفع لك القبعة احتراما وتقديرا واعتزازا وفخرا بك فأنت
فخر لكل من عرفك .
علمت العديد والعديد وساعدت الكثيرين ولم تبتغى الا وجة الله عز وجل
ادعو الله العلى الكريم القدير لك العفو والعافية والسعة فى الرزق والبركة فية .
Mohamed Ali Sallam محمد على سلام
جميع الحقوق محفوظة لصفحة
آل سلام لتعبئه المواد الغذائيه ودواجن التسمين
آل سلام لتعبئه المواد الغذائيه ودواجن التسمين
يسمح بتداول النشر والطبع ولكن بشرط ذكر المصدر
