فكرة سهلة وبسيطة جدا ومش مكلفة خالص خالص

ومن الاخر تكلفتها متجيش نافق يوم ف الحر

===================

 المكونات :-

1 - برميل من البلاستك

2 - شفاط 60*60 سم

3 - الواح من الثلج

4 - حامل حديد

الطريقة :-

عمل فتحات فى البرميل فى خط مستقيم مع دوران البرميل باتساع 5 - 7

سم للفتحة الواحدة ومسافة بين الفتحة والاخرى حوالى 10 سم

ثم وضع الحامل فى ارضية البرميل ويراعى انة يكون بارتفاع 30 سم من ارضية البرميل .

ثم تثبيت الشفاط على فتحة البرميل من الاعلى وبحيث يكون تثبت مؤقت بمعنى اقدر ارفع الشفاط واحركة لوضع الثلج .

وبعد اضع الثلج على الحامل بالبرميل .

واشغل الشفاط

بكدة
بيدخل هوااء من الفتحات اللى عملتها فى البرميل على الماء البارد اللى بينزل

من الثلج وبعدين بيمر بالثلج بيزداد برودة ثم يصعد من الشقاط ويوزع بجو العنبر .
طبعا انا اقدر انفذ اكثر من برميل واوزعهم بالعنبر

وطبعا حيطلع واحد ويقولى اصرف المياة اللى بتنزل من الثلج ازاى

بص يا سيدى

بتركب فى ارضية البرميل حنفية وتوصل فيها خرطوم عشان الصرف

ويكون خارج العنبر شوفت يا عم سهلة ازاااى

تيجى تقولى عاوز فيديو ومعرفش اية اقولك متبقاش طماع يا عمنا دة الحوار كلة ميكلفكش .

طب وعشان خاطر الحبايب

الشفاط بـ 135 جنية

البرميل 70 جنية

2 الحامل 15 جنية يعنى 30 جنية

ولوح الثلج بـ 4 جنية

حنفية 2 جنية

مترين خرطوم 5 جنية

الاجمالى كلة ومن الاخر كدة 246 جنية

اية رأيكم بقى

وخلى بالك اوعى تتكهرب

نستودكم الله

وكل سنة وانتم طيبين

جميع الحقوق محفوظة لصفحة آل سلام لتعبئة المواد الغذائية ودواجن التسمين 

https://www.facebook.com/allsallamForfoodpackagingandpoultryfattening

يسمح بتداول النشر ولكن بشرط ذكر

المصدر http://kenanaonline.com/mas2008