جميع الحقوق محفوظة لصفحة
آل سلام لتعبئه المواد الغذائيه ودواجن التسمين‏ 

آل سلام لتعبئه المواد الغذائيه ودواجن التسمين‏ 

يسمح بتداول النشر والطبع ولكن بشرط ذكر المصدر

http://kenanaonline.com/MAS2008

دى بعض النصايح لعلها تخفف من مشاكل الحر يا جماعة
خاصة للعنابر الغير مجهزة

** شغل المية

لوح ثلج كبير على خزان مية

فيتامين ج 2جم على اللتر
+
ساسليلك اسيد 0.5 الى 1 جم على اللتر

دى سقوة

والسقوة الاخرى عرق سوس بتغلية 2ك على 2 لتر ماء تم يغلى الى ان يصير الصافى لتر

ثم يبرد ويضاف 1.5 مل على اللتر

دى السقوة التانية

** شغل العلف

هنقول اية اللى يجب توافرة فى العلف علشان يقلل الاجهاد الحرارى ويقل النافق المتسبب فية الحر وكمان نحافظ على استهلاك العلف وبالتالى الوزن

** اولا زيادة فيتامين هـ

** زيادة فيتامين ج الى الضعف

** اضافة بيكربونات صوديوم الى 2 ك على الطن

** اضافة كلوريد بوتاسيوم الى 1 ك على الطن

** مضاعفة جرعة المثيونين والايسين عن معدلهم

** اضافة محلول معالجة الجفاف او اى الكترولايت

** رفع البروتين 1%

** رفع الطاقة بنفس معدل رفع البروتين

** اضافة عسل اسود فى الماء

العليقة اللى هنراعى فيها النقاط السابقة هتعمل افضل اداء بامر الله فى الجو الحار .

** الشغل اليدوى

رش ماء على مداخل الهواء مع فتح الجهة المقابلة

رش السقف

متمشيش كتير وسط الطيور

اعمل طرقة باتساع متر واخليها من السبلة وخليها على الارض
ورشها بمية بارة وكل ما تنشف رشها

الاجراء الاخير دا بامر الله هيساعد كتير جدا فى تقليل النافق
طبعا من طريقة واحدة لان هتلاقى معظم الطيور بتتسابق عليها
فخلى متر سبلة ومتر طرقة فاضية

وفية حركة خطيرة جدا جدا

لو عملتها مع موضوع الطرقة دى هتنزل النافق جدا

وهى رش برسيم اخضر على سطح الفرشة بكثافة شوية

يعنى متر طريقة فاضية من السبلة والمتر الاخر افرشة برسيم بشرط السبلة مش تبان من البرسيم

حاول تعمل كل اللى فات هتفرق معاك كتير بامر الله

=====================

وكمان شىء مهم

ملحوظة هامة بالنسبة للحرارة العالية او الحتباس الاحرارى

من المعروف فسيولوجيا ان ثلاجة الجسم هما العرف والدلايات

يعنى مجرد ما ترتفع حرارة الجو على الطير بيحصل تدفق عالى للدم ناحية القناة الهضمية
وناحية العرف والدلايات

يعنى عاوز تعمل انخفاض حرارة داخلى او ان الطير هو اللى ينزل حرارتة بنفسة

نستغل النقطة دى

فهنعمل الاتى

موضوع العرف والدلايات
هنرفع مستوى او منسوب المية فى السقايات اليدوى او الاتوماتيك

( ولا عزاء لاصحاب النبل )

لان الطير هيبلل العرف لو مستوى المية مناسب ودا بيخفف من الحرارة الداخلية

بالنسبة للتدفق الدموى اللى رايح للقناة الهضمية
حلة انك تحط ثلج فى المية فى فترة الزروة

دول من الطرق اللى بتقلل حرارة الطير

اللهم اجعل عملنا خالص لوجهك الكريم

=======================

ودة كمان مقال خاص بهل ارفع العلف من قدام الفرخ وقت الحر ولا لا ؟؟؟

رأى الشخصى فى موضوع رفع العلف اثناء موجة الحر

تتفق او تختلف معى فدى حرية واحنا هنا عندنا ديموقراطية فمش هنخاف من حد يعمل انقلاب عليا

انا ارى ان رفع العلف اثناء الحر
اضرارة اكثر من منافعة

للاسباب الاتية

السبب الاول

خلو الجهاز الهضمى من العلف بيعمل عوز او نقص من البروتين وبالتالى بينقص معاة الاحماض الامنينة اللى هى حجر البناء لاى امينوجلوبييلوين او اى جسم مناعى
فحضرتك بتفريغك لمحتويات الامعاء والتجويع لمدة ال6 او 8 ساعات دول بيتقلل المناعة وبتكون عرضة لاى حاجة تدخل

السبب التانى

تاخر فى التحويل ودا معروف طبعا

السبب الثالث

ودا اخطر سبب لو صادف اى تحصينة او فترة حضانة مرض او اجهاد امونيا
التجويع دا فلازم يظهر مشكلة كبيرة صعب حلها الا بعد ما تاخد شوية نافق كويسين

لان اساس اى جسم التغذية

طيب هتقولى هيعمل طاقة ويرفع الاحتباس الحرارى هقولك فية طرق كتير تسيب العلف وتعملها وبفضل الله مش هتعمل نافق .

المقالات للمهندس عاطف عبد الدايم

اللهم اجعل عملنا هذا خالص لوجهك الكربم

جميع الحقوق محفوظة لصفحة
آل سلام لتعبئه المواد الغذائيه ودواجن التسمين‏ 

آل سلام لتعبئه المواد الغذائيه ودواجن التسمين‏ 

يسمح بتداول النشر والطبع ولكن بشرط ذكر المصدر

http://kenanaonline.com/MAS2008