المقال تجميع وتنسيق صفحة 

آل سلام لتعبئة المواد الغذائية ودواجن التسمين

https://www.facebook.com/allsallamForfoodpackagingandpoultryfattening

===============

تعودنا من اسلوبة على الدعابة وحب الفكاهة والفن فى توصيل المعلومة بشكل لبق ومحنك وكوميدى .

تعودنا منة على الخفة والجمال فى ايصال الفكرة نعم فهو رجل اصيل بطبعة وعظيم قدرة وعالى شأنة نعم انه رجل تجبة دون ان تلقاة تعشق كلماتة وانت لا تربطك بة صلة غير كلماتة التى تقرائها .

                                 انة مهندس محمد البارودى

معلومه حلوه للى بيحبو الفزلكه على خلق الله

 على فكره انا قررت انى مش هتكلم فى الفراخ يعنى من هنا وايح محمد البارودى مش هيقولكم اى معلومه عن الفراخ

 علشان كل ما اجى اتكلم فى موضوع عن الفراخ الاقى المهندس عاطف متكلم فى كل المواضيع ومصمص عظمها 

 يعنى هو مش راضى يسيبنا ناخد فرصتنا

 بس على مين دا انا ابو الاختراعات

 انا النهارده هتكلم عن العصافير

 اه العصافير فيه حد عنده مانع

 طيب خلاص طالما كلكم معترضين اسمع ياسيدى

 انت تعرف ان فيه فعلا لبن العصفور

 مع اننا لما نحب نتكلم عن شئ مستحيل بنقول مثلا لو قدرت تعمل كذا هجبلك لبن العصفور

 بس الحقيقه العصافير ومعظم الطيور ليها لبن زى لبن الجاموسه

 ههههههه اوعى حد يفكر يصتاد عصفوره علشان يحلبها

 لان اللبن ده بيتكون فى الحويصله بتاعة العصفوره لان فى فترة حضانة البيض بيتكون غشاء داخل الحويصله ويزداد سمكه ويتحور الى غشاء دهنى

 اللبن الناتج من الحويصله مثل لبن الحيوانات بالظبط بس فيه فرقين اتنين بس

 الاول: ان اللبن ده بينتجه الذكور والاناث (يعنى محدش احسن من حد شوفتو المطالبه بالمساواه وصلت لحد فين ياخوفى علينا يارجاله)

 الثانى : ان اللبن مش سائل انما بيكون زى فتافيت الجبنه القريش

 المعلومه دى بتصحح لنا اعتقاد خاطئ وهى اننا لما بنشوف الطيور بتطعم صغارها بنعتقد انها بتاكلها حبوب طبعا الكلام ده مش صحيح انما هى فى الحقيقه بترضعها

 ملحوظه:

اللى خلانى ابوح لكم بهذه المعلومه ان فيه واحد قالى انتم لو فلحتم فى عمل الشركه المساهمه هجبلك لبن العصفور (هو بيتريق علينا يعنى وبيفهمنى ان عمل الشركه دى مستحيل)
 وانا بقوله هننجح ان شاء الله وهخليك تحلب العصافير

=================

اية بقى قصة الشركة دى 

بص يا سيدى وفنجل عنيك وطرطق ودانك ورزكز معايا دقيقتين 

دى عبارة عن شركة مساهمة لانتاج الكتكوت من مربى الدواجن اللى اتطحنوا فى ام الشغلانة .

وواحد يقولى اية الهزار دة والاحلام الوردية دى 

اقولة مشروع الالف ميل يبدء بخطوة والخطوة دى من عندك انت بمعنى ابدء بنفسك وبلاش تحبط غيرك لو انت مش ناوى .

طب لو ناوى ادعو غيرك وعرف الناس بالمشروع دى خير لينا كلنا سواء مربين او حتى مستهلكين .

يلا 

                          شارك ... ادعم ... عرف

  المقال تجميع وتنسيق صفحة 
آل سلام لتعبئة المواد الغذائية ودواجن التسمين
https://www.facebook.com/allsallamForfoodpackagingandpoultryfattening

جميع الحقوق محفوظة لصفحة آل سلام لتعبئة المواد الغذائية ودواجن التسمين 

يسمح بتداول النشر ولكن بشرط ذكر

المصدر http://kenanaonline.com/mas2008