,وطبعا قبل ما بندء ونقول ونحكى مع بعض لو مكنتش متخصص وعارف
وفاهم انت بتعمل اية بلاش الله يكرمك فراخ الناس مش لاعبة
طبعا الكلام دة للغلابة اللى زى حلاتى ولسة أ ب ت شغل فى الدواجن
المقال تجميع وتنسيق صفحة
آل سلام لتعبئة المواد الغذائية ودواجن التسمين
https://www.facebook.com/allsallamForfoodpackagingandpoultryfattening
هنتكلم ازاى نعرف نشخص المرض عن طريق التشريح
طبعا لو كلنا فتحنا اى كتبا تشريح دواجن وشفنا كل مرض وصفاتة
التشريحية هتلاقى كلام كتير جدا وكلة شكل بعض وحاجة تحير
بصراحة
طيب اية الجديد هنا ؟؟؟؟
اننا هنقول 3 اعراض تشريحية لو ليقناهم مع بعض مجتمعين ولو
كانوا موجدين يبقى المرض دا موجود لو لئينا واحد فيهم مختفى
يبقى راجع نفسك تانى
هنبدا بالباشا
النيوكاسل
الدنيا كلها عارفة ان انزفة دموية على راس الغدد بتاعة المعدة
الغدية
طيب ما نقص مناعة النيوكاسل بتعمل كدا
وتاخيرة التحصين بتعمل كدا
رد فعل اللاسوتا بيعمل كدا
لاكن هنحط كمان حاجتين للتاكيد انها نيوكاسل
يكون غدتا باير فيهم نفس شكل الانزفة بتاعة المعدة الغدية
الامعاء فيها بردة نفس الشكل بتاع الانزفة بطول ثلث الامعاء
او ربعها على حسب تاخر الحالة
لو لقينا الثلاثة مع بعض بيئى نيوكاسل من غير كلام
بس للامانة
لو كنت محصن كويس لاكنك فى منطقة موبؤة نيوكاسل
هتكون الاعراض اللى فى غدتا باير او الامعاء منها نقط نزفية او
تقرح
الجمبورو
الثلاثة مع بعض
الاول طبعا البيرسا
( التهاب - تضخم- ورم-انزفة - اى حاجة فيهم)
المسافة بين المعدة الغدية والقونصة فيها بطع دموية بس بتكون
البطع دى رايحة ناحية القونصة شوية لان المكان دا بيجيى فية
امراض كتير (سموم-تسمم بالسلفا-كولى سبتسيميا - وغيرهم)
بردة نفس البقع او البطش الدموية دى بتكون موجودة على
العضلات ( الفخد او الصدر او الاثنين معا)
لة لقيت الثلاثة مجتمعين متقلش دا نقص مناعة او ردة فعل تحصين
دا جمبور اصلا اصلا مش تيوانى
الانفلونزا
القلب علية سوائل او التهاب مع شوية فيبرين
الاكياس الهوائية متغبشة او ظاهرة كدا مش شفافة
العرف والدلايات فيهم زرقان
الـ IB
الكلية :الكلية متضخمة والحالبين مملوئين باليورات او حمض
اليوريك
الرئة عليها التهابات
القصبة الهوائية :عند التفريعة الى فرعين او ما يعرف بالشعيبات
الهوائية هنلاقيها مسدودة بالمخاط او تجبنات
دمتم بخير
المقال للمهندس عاطف عبدالدايم
المقال تجميع وتنسيق صفحة
آل سلام لتعبئة المواد الغذائية ودواجن التسمين
https://www.facebook.com/allsallamForfoodpackagingandpoultryfattening
