المقال تجميع وتنسيق صفحة 

آل سلام لتعبئة المواد الغذائية ودواجن التسمين 

https://www.facebook.com/allsallamForfoodpackagingandpoultryfattening

طرق للحافظ على حرارة الحضانة فى مثل هذا الجو :

ولان التحضين هو اساس لما سينتهى علية الحال فوجب ان نبدء معة بداية 

صحيحة ولذلك ..........

 زيادة عدد الدفايات ولو تخلى العدد الضعف وحتى لو لم تشغلهم جميعهم

بس يكونوا على قمة الاستعداد للعمل فى اى وقت

او علشان يكون التحكم فى الحرارة من عندك مش على حسب الجو الخارجى

 تدفئة العنبر قبل دخول الكتاكيت ب 12 الى 24 ساعة علشان الجدار

والسقف والفرشة تاخد حرارتها

 https://www.facebook.com/allsallamForfoodpackagingandpoultryfattening

 ضرورى جدا وضع دفاية خارج الحضانة يعنى بعد ستارة التحضين ودى

 بتقلل البرودة اللى جاية من خارج الحضانة لان لو الفرق

بين الحضانة وخارجها اعلى من 6 درحات تعرف اى هيحصل نزلة برد فى

اى وقت وانت مش يقظ

يعنى لو حرارة التحضين 34 لازم تكون خارج الستارة 28

 هتيجى على الابواب والشبابيك وتعمل ستاير لعدم خروج اى حرارة من

فتحاتها وتكون الستاير دا مثبتة من اعلى واسفل والمنتصف

بمسامير علشان وقت ما تحب تفتح للتهوية تكون مرنة معاك

 عمل ستاير خارجية لصد تيارات الهواء من خارج العنبر على شبابيك

الحضانة .

 لازم زيادة سمك الفرشة بما لا يقل عن 7 الى 10 سم ولازم تكون متساوية

ومفيش فيها مرتفعات او منخفضات

 احرص كل الحرض على عدم تسريب اى مية من خطوط المية

لان اى رطوبة زيادة فى الفرشة بتقلل الحرارة معاك

كمان بتساعد على ارتفاع نسبة الامونيا وبالتالى لازم تفتح للتهوية لان

الامونيا اخطر من نزول الحرارة وبكدا هتفقد حرارة

 https://www.facebook.com/allsallamForfoodpackagingandpoultryfattening

 الافضل تعمل ستارة تفصل بين الكتاكيت والعنبر وستارة تانية تبعد عنها باكية

واحدة لضمان عدم التسريب الحرارى وكمان هتفيد

فى عملية حل القاح او الادوية او جلسة العامل فيها او امور اخرى كتير بس

اهمها الحرارة

 لو فية ريحة او امونيا خفيفة  بدل ما تفتح وتتعرض للبرد زود الفرشة

حتى لو بسمك 2 سم فوق النشارة القديمة

اما لو الريحة زيادة ضيف لطبقة النشارة الجديدة دى جير

اما لو الريحة زيادة فلازم تشغل الشفاط او تفتح تهوية قبلى مقابل بحرى

 https://www.facebook.com/allsallamForfoodpackagingandpoultryfattening

اما فى الوضع العادى افتح والشمس طالعة فقط

 افضل تربية واحسن نتايج بتيجى لما تفتح القبلى لتبادل الاوكسجين والتهوية

وتكون رافع الدفايات

يعنى افتح تهوية ودفى فى نفس الوقت

وممكن كمان لو حبيت تهوى فى اى وقت تخلى التهوية داخلية من مفرش

الحجازة .

وكمان فى حالات التهوية من الشباك لازم يكون الهواء الداخل من الخارج لاعلى

السقف مش للطير مباشرة  بمعنى خلى فتحة الشباك رقم 7 بس عربى .

                                             مهندس عاطف عبدالدايم

المقال تجميع وتنسيق صفحة

آل سلام لتعبئة المواد الغذائية ودواجن التسمين

https://www.facebook.com/allsallamForfoodpackagingandpoultryfattening