جميع الحقوق محفوظة لصفحة
آل سلام لتعبئه المواد الغذائيه ودواجن التسمين 
آل سلام لتعبئه المواد الغذائيه ودواجن التسمين
يسمح بتداول النشر والطبع ولكن بشرط ذكر المصدر
http://kenanaonline.com/MAS2008
اليوم سنبحر سويا مع رجل ان اردت ان تقول عنة
طبيب مهندس بدرجة طيار ورتبة مشير فلن تبخل
نعم لن تبخل فما ستقرأة الان كلام يعجز العقل البشرى عن تصديقة
ولكنة حقيقة وعلى ارض الواقع .
والان سنبدء معا ولكن انصحك بأن تجهز كوب من الشاى اولا واستعذ بالله
من الشيطان الرجيم .
فلنبدء ...........
ــــــــــــــــــــــــــــــــــــــــــــــــــــــــــــــــ
آل سلام لتعبئه المواد الغذائيه ودواجن التسمين
موقف اصابنى بالذهول
ومش مخلينى لا اعرف اكتب حاجة ولا حتى اعرف اشتغل
تقابلت مع مهندس من بلد عربية شقيقة
شغال تسمين بس هو خبرة 32 سنة فى مجال الدواجن
لما عرفت ان كل الناس بتجيبلها اصابات فيروسية الا هو
ولما تحرينا عن المحطة اللى شغال فيها لاقيناة بيعمل وزن دايما اعلى من معدل السلالة ب 200 جرام
ودايما نسبة النافق بتاعتة لم تتعدى 3.2%
آل سلام لتعبئه المواد الغذائيه ودواجن التسمين
اقسم لى بالله
انة بقالة اكثر من 8 سنين فى مزارعة او مزارع الاخرين مدخلش تحصينة واحدة لاى مرض يعنى مش بيحصن خالص
وطريقتة فى الادوية فى غاية العجب
بيحط الدواء اقصى اقصى اقصى دواء 12 ساعة
فقط ويشيلة بعد كدا
استحلفتة بالله يقولى كلمة واحدة افهم منها بيعمل اية
آل سلام لتعبئه المواد الغذائيه ودواجن التسمين
قالى كلمتين
الاولى :-
الرعاية
(( تهوية - حرارة - رطوبة))
التانية :-
المناعة الذاتية
لاكن بيقولى انة خسر كتير على ما اتعلم الطريقة دى واول ما وصلها
بيقولى استحلفك بالله تجيلى المحطة وتجيب معاك فرخة فيها نيوكاسل واخرى
فيها اى بى وتالثة فيها انفلونزا وانت جاى ارميهم فى العنابر عندى
قتلتة يا اخى بلاش استفزاز احنا بردة بنفهم
قالى عنوان عرفت من خلالة ان المحطة بتاعة جنب محزر
دواجن بيدبح بعشوائية جدا يعنى مصدر لكل انواع امراض الدواجن
بصراحة بقالى يومين مش عارف اركز فى حاجة
آل سلام لتعبئه المواد الغذائيه ودواجن التسمين
وبيتهم كل الناس بعدم فهم يعنى اية دجاجة ويعنى اية مناعة دجاجة
وبيهاجم هجوم عنيف اى حد يفكر ان يحصن لاى مرض
=========================
هنا انتهى كلام هذا الرجل ولكن بات الحوار الان فى احضان ما لايقل عن 700
شخص علق على هذا الكلام وليس فقط اكثر من 5000 مشاهدة من الصدمة لم
يتفوة بكلمة ولنرى بعض من التعليقات التى كانت
بعض من التعليقات
================
آل سلام لتعبئه المواد الغذائيه ودواجن التسمين
من اغرب ما قال لى
بيستقبل فقط لمدة 6 ايام على سلفا مع تراىميثوبريم
لمدة 6 ايام
اما اى دواء اخر 6 او 8 او 12 ساعة على حسب روؤيتة هو فقط
قالى حاجتين وتررد صدى صوتة مش عارف يطلع من راسى وهو بيقولهم
** تحصين يعنى انت مش فاهم دواجن اصلا
**علاج اكثر من 12 ساعة لاى دواء معناه دمار لاجهزة الجسم
بس بيشترط اقامتك فى المشروع والتعايش مع الطيور من اول دخولها ككتكوت الى البيع
والتجار مهبولين علية
اول مرة احس ان عمرى ما اشتغلت دواجن
وطبعا دة تعليق للمهندس عاطف صديق هذا الرجل اكمالاً لما بدءة
تعليق اخر
اقسم بالله العظيم : انا كان معايا واحد صاحبى من اسبوع ..
وقال لى بنفس اللفظ :
انا كنت مع الحاج فلان ( مربى دواجن قديم ) وقالى لو عايز تنجح فى مشروع
الفراخ .. اوعى تدخل التحصينات دى مزرعتك .. ال ايه وانا بقا قلت له سيبك منه
.. ده مش عارف حاجه .. وقعدت اديله محاضره عن اهميه التحصينات .. المشكله
بقا ياعم عاطف ان المحاضره دى هى اللى انت قلتهالى قبل كده لما قلت لك انا
معدتش عايز احصن .. الحل ايه دلوقتى
آل سلام لتعبئه المواد الغذائيه ودواجن التسمين
تعليق اخر
علي فكرة كلامه دا حقيقي وأنا مصدقه رغم المبالغه فيه وأنا شوفت حجات زي
كده كل تركيزهم علي المناعه ودي مش شويه دي الفرخه كلها
تعليق اخر
يا هندسة لو شغل اهالى كان عادى
دى محطة دواجن مغلقة عادية زى اى حد
وكان شغال فى بلدة مفتوح بنفس الطريقة
والراجل السعودى قافل علية وقالة اوعى تتكلم مع حد
آل سلام لتعبئه المواد الغذائيه ودواجن التسمين
وكمان انا عارف محطتة موجودة فين يعنى موقعها مليان مصايب عند جيرانة
مليان فيروسات فعلا وهو يتفرج عليهم ويضحك
عربيات بيع الفراخ تقولة استنى لما نتعقم يقولهم لا ادخلوا عادى
تعليق اخر
ملحوظة رفيعة :
فى بورسعيد عندنا الناس مش بتحصن اى بى ولا انفلونزا لاعتقادهم انها هى
السبب فى المرض ومفيش حالة اى بى ولا انفلونزا رغم سؤالى المتكرر عند كل
الناس اللى بتربى أبيض والصيدليات البيطرية .. بصراحة دلوقت بدأت اصدق
تعليق اخر
اقسم بالله
اقسم بالله
اقسم بالله
قلتلة هشتغل تحت ايدك عامل مش مشرف
مرضاش
وطبعا دة مهندس عاطف اكيد زائرى الموقع يعرفوا تخيل بقى لما يكون دة رد
مهندس عاطف .
آل سلام لتعبئه المواد الغذائيه ودواجن التسمين
وماذا قال عن التحصينات ؟؟؟؟
بيقول كل التحصينات مصدرها بلدها يعنى جاية من سفر
فمستحيل بتوع الطيران يحافظو على اللقاح فى درجة 6 الى 8
ومستحيل النقل بنفس الطريقة
ومستحيل الشحن بنفس الطريقة
بيقول الخلاصة ان التحصين على ما يوصل من بلدة يكون قرص بودرة فاضى من اى فيرس
بيقولى اول ما تعلم الطريقة دى من ناس مصريين
عملها وماتت الفراخ كلها منة
وعملها تانى وبردة ماتت منة
بيقولى وهو مصمم لازم ينجح لانة شافها قدام عينة
لغاية لما نجحت
ومن اول ما نجحت وانا ربنا عوضى كل اللى خسرتة
واين درس وتعلم وتخرج وما تخصصة ؟؟؟؟
آل سلام لتعبئه المواد الغذائيه ودواجن التسمين
دا مهندس انتاج حيوانى من جنسية عربية خريج زراعة اسكندرية
خريج سنة 82
يعنى حتى مش تخصص دواجن
وماذا تخفى الدجاجة بداخلها وهو يعلم ونحن لا ؟؟؟
بيقولى مشكلتكم انكم مش فاهمين الدجاجة
قولتلة كل دا ومش فاهمين الدجاجة
قالى طالما بتحط ادوية اكثر من 12 ساعة وبتحصن والنافق عندك بيزيد عن 3% يبقى صدقنى انت مش فاهم يعنى اية دجاجة
خلانى اروح مزرعة قريبة جنبى واكلم الفرخة واقولها اية الاسرار اللى مخبياها سعادتك عننا
ومن يعرف هذة الطريقة غيره وانظر للتحدى والاصرار علية
بيقولى فية المانى شغال زية كدا و2 مصريين فقط
دول اللى قابلهم طول حياتة العملية
بيتصل بى من شوية يقولى لو لقيت اى فرخة فيها اى فيرس هاتة المزرعة عندى وارميها جوة وتعالى نشرب شاى سوا
حسسنى ان طول السنين دى مكناش شغالين دواجن
دا كمان لما اتكلمنا عن الامهات والجدود
جابلى صداع نصفى وهو بيتكلم
طب يعنى انت عاوز اية ؟؟؟؟
بيقولى اللى عاوز يعمل نفسة خواجة ويزور المزرعة ويمشى ينسى النتايج
لازم تقعد فيها وتتباعها طول اليوم
بيقول راقب الجهاز التنفسى طول ال24 ساعة عن طريق التهوية
وراقب الجهاز الهظمى 24 ساعة عن طريق الحرارة ورطوبة الفرشة واياك لجام المدخلين دول يفلت من ايدك حتى لو ساعة
لان هيدخلك منها مسبب مرضى
بيقولى اتقو ربنا سيبو الفرخ يشرب مية سادة
هو عاوز 4 حاجات
بطل تحصنات بطل ادوية مرهقة للجسم رعاية مستمرة طول اليوم
علاج بالقطارة
وهنا عندما تعلم ان القطيع الذى يتولى امرة ينفق
يا جماعة احنا بنكلف مشروع 200 الف طير 120 الف ريال
وهو بيكلفة 17 الف ريال دواء
فأعلم انك امام شخصية عجيبة ورهيبة
-------------------------------
تعليق جديد
آل سلام لتعبئه المواد الغذائيه ودواجن التسمين
انا عمرى ماشفت فراخ عيانه .. وصاحبها راح لدكتور .. والدكتور يكتب له
اغلى ادويه وخلاص .. والفراخ دى خفت .. عمرى ماشفت كده بصراحه .. اللى
بشوفه بجد حاجه من اتنين
ياما الوضع على ماهو .. يعنى كأنه مرحش
لدكتور .. او الحاله بتسوء .. وده رايى
تعليق جديد بعدما قرر احد المعلقين خوض التجربة
تصدقوا بالله انا كنت شغال فى مجال السياحه وقعدت فيه من 2000 وحتى 2007 وكل يوم قول حشتغل ايه غير كده وافكر طول ال7 سنين وقت القرار سبت الفندق ومشيت والحمد لله اتى الرزق من كل الابواب وكل خطوه اتوكل فيها على الله واللى احسبلها كتير تخسر عشان كده ان شاء الله حسبها على الله واجربها
ودة قرار اتخذة احد المعلقين
والله ياعم عاطف انت فعلا صديقى اهو انا كنت بكره رايح اشترى تحصين ..
مش شارى تحصينات خلاص .. اهو توفير .. هشترى بتمن التحصين فاكهه للعيال ..
ودة كان فاكهة الحوار ونسيان الهموم بعد حوار دام لاكثر من 5 ساعات
وبسببة باظت لوحة المفاتيح بتعتى بس يلا معلش فداة
آل سلام لتعبئه المواد الغذائيه ودواجن التسمين
انا هقول لحضرتك قصه هتعجبك وهتنسيك
جانى واحد جارى وقالى هاتلى شوية دواء اصل الفراخ بتموت
قلت له اه الاعراض قالى القطه بتاكل منهم
المهم اعطيته شوية دواء من عندى
قلتله تحطهم على لتر مياه قال لى يعنى اه لتر قلت له زجاجة بيبسى حط الدواء وكملها ميه
المهم شرحتله هيعمل اه وبعد كده سالته فيه اى سؤال تانى
قالى طيب الفراخ هتشرب ازاى من ازازة البيبسى
بعد اسبوع قابلته بسلم عليه لقيته مكشر فى وشى قلت له الفراخ بتاعتك عاملهاه
قالى الدواء بتاعك وحش وماعملش اى حاجه قلت له ازاى
قالى القطه اكلتهم كلهم
ودلوقتى المقال تقريبا جمعت منة قليل القليل جدا من التعليقات والاراء فكان منها الذى لم يصدق وكان منها الذى صدق وتعب وكان منها الذى وصف هذا بالمستحيل و .... و .... و ......
ولكن شهادتى انا لاننى من نويت التجربة
فقلد قررت خلال التعليقات ان اخوض التجربة بعدد 500 طير ثم 1000 طير
وبالفعل فعلت ونفذت وكانت النتائج 100 % وكان استخدامى للادوية هو
انرو 3 ايام تحضين ومضاد سموم 2 يوم عمر 28
والـ 1000 طير لا دة ولا دة ولكن فيتامين اد3هـ واملاح
فهل من مصدق لما فات ومضى ؟؟؟؟
جميع الحقوق محفوظة لصفحة
آل سلام لتعبئه المواد الغذائيه ودواجن التسمين
آل سلام لتعبئه المواد الغذائيه ودواجن التسمين
يسمح بتداول النشر والطبع ولكن بشرط ذكر المصدر
