كلمة بشفها بأستمرار  موجود في كيب بورد  و بنستخدمها ا كتر في حياتنا اليومية-

 كلمة  

بضغطة واحدة ممكن تمسح أي حاجة كتبناها أيا كانت أو أي غلطة عملناها في الكمبيرتر الخاص بأي واحد فينا

لكن تخيلوا معايا لو أن شريط حياة و ذكريات كل واحد فينا  هى عبارة عن هارد كمبيوتر نقدر نعمل دليت لأي حاجة فيه!

 تفتكروا ممكن نلغي أيه من حياتنا من مواقف  أو أحداث مرت علينا !!

 كل واحد فينا مرت عليه أحداث نفسه يلغيها و كأنها محصلتش أصلا  في حياته ممكن تكون فراق أنسان عزيز أو فراق حبيب ممكن يكون فارق الحياه أو بعدته المسافات سافر بعيد و مرجعش أو بعدته ظروف أقوى منه و مننا

 الحياة طريق طويل بنمشي فيه وفيه  بنقابل ناس ممكن يمشوا معانا ال مشوار لأخر الطريق وفي ناس تانية بنقابلها بالصدفه  أو بيمروا علينا في الطريق  مع ناس نعرفهم و في ناس ممكن نقابلهم و يمشوا معانا المشوار لكن فجأه يختفوا و يقف بينا  الطريق بعد ما نتأثر بيهم و نحس أننا من غير الناس دي منقدرش نكمل وساعتها بنحس  اننا عايزين نقف مش عايزين نكمل المشوار و نتمنى لو كنا مقبلناش  الناس دي أصلا

))):

 ؛ جرح سببه لينا حد بنحبه أو حد بنثق فيه بدرجة كبيرة لكن للاسف الحد ده جرحنا جرح كبير و سبب لينا ألم أو أتصدمنا فيه لدرجة أنه هز الثقة جوانا نا حية كل ألي بنحبهم و وصلنا لدرجة أننا نشك  في كل أي حوالينا  

وممكن بسببه كمان  تدمر علقتنا بالناس اللى حوالينا ألل احنا ف الاصل   بنحبهم و بيحبونا و تنهار علاقتنا بيهم رغم أنهم ملهمش أي ذنب  فى اى حاجه ----

حاجة صعبة مش كدا!!!!!

  صحيح الجرح ده ممكن يكون مش مقصود  و ممكن يكون فعلا أتغشينا و أتخدعنا في الشخص نفسه لكن مش معنى كدا أن ده يأثر على حياتنا

 ويوقع ثقتنا ف اى حد تانى  , صحيح جروح القلب ممكن تأخد وقت علشان ننساها و ممكن تسبب علامة في حياتنا و نتمنى أنها محصلتش أو أننا نحس بندم طول عمرنا على ثقة وحب  أدناهم لشخص ميستحقش أي حاجة من دي أو نتمنى نمسح الشخصده من حياتنا.

 ؛ ممكن نلغي موقف محرج أتعرضنا ليه في حياتنا رغم أن المواقف المحرجة ساعات كتير بتعمل ذكرى جملية في حياتنا ذكرى ممكن لما نفتكرها نضحك بجد من قلبنا لكن في مواقف ممكن تسبب لينا أزمة في حياتنا و تهزنا رغم أن غيرنا ممكن يحسها بسيطة و عادية .

؛في مواقف تانية كتير مرت علينا  ممكن نلغيها من شريط حياتنا زي فشل أو ظروف صعبة مرينا بيها أو أحداث مؤلمة أو ظلم أتعرضنا ليه أو نلغى كل حاجة ممكن عطلتنا عن أهدفنا و دمرت حياتنا و اثرت على مستقبلنا أو غريت مسار حياتنا للأسوء أو أثرت على شخصيتنا لكن تفتكروا لو عملنا كدا ممكن حياتنا تتغير أو ممكن نحس بالسعادة لأننا لغينا الألم أو الذكريات المؤلمة من حياتنا؛ 

 لا معتقدش لسبب أن المواقف المؤلمة ألي بتمر في حياتنا بتعلما أكتر ما بنتألم منها و بتقوينا في طريقنا و بتخلينا نتغلب  على أي ظروف أو أألآم ممكن نتعرضلها بعد كدا ,علشان كدا مش ممكن نلغيها لكن ممن ننساها و نخليها متأثرش على مشوار حياتنا الطويل ده رأيي لكن يا ترى أنتوا اه رأيكم ..........!