مصر يا بلد الاجداد
شهد التاريخ وكتب الامجاد
ورسولنا قالها ادخلوها امنين
مصرنا منصورة ليوم الدين
يا اللي صابرة ع البلاوي
وتاريخك مليان حكاوي
بكل شوقي احضن ترابك
اشم ريحتك واشوف شبابك
هو مين يقدر عليكي
والا يبعد عن عنيكي
انتي لحني وجوا صوتي
وبعدي عنك يعني موتي
ومنين ما اروح والا ابعد
يرجعني شوقي واصالحك
نيللك عشقي ويا ليلي
وع شطك اشعل قناديلي
وامول واغني مواويلي
دى مايتك يا نيل سلسبيلي
قوم يا مصري مصر امانه
اوعاك تصدق في خيانه
فاكرين مينا وعم ياسين
وقلوبهم الطاهرة زي الياسمين
مصر عالية وف العلالي
واصوات رجالها جهورة بتلالي
احنا حماك وقلوبنا فداك
بلد المنارة والجسارة
بلد المآذن والمهارة
بلد الصناعة والزراعة
نقول كمااان ومفيش خلاص
مول يا ليل غني ياعين
محروسة يا امي من كل عين
تذهلني بجمالها
حين اطوف باحيائها
شاهقة البصر ما أروعها
وعبق احيائها القديمة
بعبق العطور المنثورة
وبطلة على ساحات ذات قيمة
ومساجد وكنائس بالصورة
وأبواب قد شيدت مقصودة
تتدلل قاهرتي مجيبة
انا مهرة الشرق وارض العروبة
ايا مصر العز والخلود
استمد من حضاراتك الوجود
نيلك زلال وشمسك غطاء
ترابك طهور وظلته سماء
صافية تضوي يا ارض الرخاء
قلوب بالدعاء نادية الفؤاد
تعشق بإخلاص قريبة الوداد
لك النصر مكتوب بالدين
ادخلوا ارضها ان شاء الله آمنين
وستبقين ما بقى الزمان
درة للفكر لكل أوان
يا نبع العشق والفكرة
شامخة عالية بالوادي
علامة للفخر لأولادي
يا عز ولادي واحفادي
فاكرين مصر المحروسة
وحتفضل دايما عروسة
لابسة طرحة وخلخال
وتدب ع الارض زلزال
ارض سينا وكل مينا وكل المواني
اقولكم سلام ومليون تحية
تدوم اللمة يا صحبحية
سجال في حب مصر.
