* أكتب اسمـــك حوارة .... على وسط الاشارة
صوتي عصوت الجاره ....ناروقدحت شــرارة
اهل الصريح وحواره ....صرخوا الصوت من داره
يا مســـــــؤول قابلني .... تغافلنــــــي وتستغفلني
انا عطشان شــــربني .... انا زعلان كلمنــــــــي
شوارع كلها مطبــات .... خرّبت السيـــــــارات
الوســـــخ فيها مكبات .... لا نظافة وحاويــــات
* يتوقع بعد حوالي اسبوع من الان أن يصل عدد زوار موقع حوارة الالكتروني الى مليون زائر لذا تلتمس ادارة الموقع من ابناء حوارة الموهوبين في مجال التصميم المشاركه في تصميم بنر خاص لموقع حوارة مع الاشارة الى ابراز العدد مليون احتفالا بهذه المناسبه وشكرا لمساهمات الجميع اهم عناصر البنر تكون صورة العلم الاردني للدلالة على موطن الموقع وصورة تدل على حوارة واسم الموقع موقع حوارة الالكتروني واميل الموقع huwwarah.irbid @yahoo.com
و اسم مدير الموقع فادي مرعي حداد جوال رقم 0596822925
** سيتوقف العمل في موقع حوارة الفيس بوك حتى مساء يوم الموافق 2/6/2012 وذلك لضروف خاصه مع تمنياتي لكم بأوقات سعيده ودمتم
كتب الاخ الشاعر رائد شطناوي هذه الابيات خاصه بجوفية حواره
(( حـــــــــــــــــــــــــــــــــــــــــــوّاره )) **جوفيه**
طــــــول العُمر قضينا .. نـــــدفع ضـــرايب
بـــــــــالمليح اترجينا .. و الــــــــرّد خايب
حـــــــــواره يوم نوينا .. صرنا قـــــــــرايب
عند الكسحه التمينا .. أخـــوه و حبايب
نكسح اللي يــعادينا .. يشوف العجايب
و قــــــــــواس بارودنا.. نار و لــــــــــهايب
ما يقوى ع بــــــلادنا .. حـــــرامي عايب
هظا مـــــــال اهالينا .. مش مال سايب
و لـــــــــزوم نردُّه لينا .. لو ملــــــح ذايب
و اللي متـــولي بينا .. يــلبي المطالب
********
حــــــــــواره ما فيها ميه....و المواســير مكسوره
و افــزعوا يا اهل الحميه....حواره ما هي مهجوره
عند الاشـــــاره الضوئيه....ربيع و فاحة زهــــــورَه
ما لينا على الــــــــرديه....لكن ع الــــمُر مجبوره
من جور هـــــــالحراميه....كل الشــوارع محفوره
والــــــــــــمراكز الصحيه....من قلـــة الدوا مقهوره
مدارس نمــــــــــوذجيه....ما فيها غير الطبشوره
كل شُعبتين فيهن ميه....لا شـــاطر ولا شطّوره
عند المدرسه الشرقيه....زعران وهمل منشوره
مـــــــــــــلاعبنا بالكليه....صارت علينا محـــذوره
حـــــــواره لو حارت بيه....نـــــــوارة كل المعموره
حــــــقها عليك و عليه....فزعتنا فــــــزعة صقوره
شاهدوا هذه الفيديوهات الخاصه بفعاليه الاحتجاج:
الفيديو الاول
الفيديو الخامس
البوم الفيديوهات الخمسه : 1 2 3 4 5
* افراح حوارة والعريس المهندس ليث والمهندسة دعاء امين سليم حداد موقع حوارة الالكتروني فادي مرعي حداد
موقع jo24 الاخباري ينقل وقائع حول الاحتجاجات في حواره
ــــــــــــــــــــــــــــــــــــــــــــــــــــــــــــــــــــــــــ
* من هتافات ابناء بلدة حوارة / حوارة يا دار العز
حوارة يا دار العز
يللي اتهز الدنيا هز
يا مواطن قوم وفز
حوارة بدها خدمات
بدنا انبلش بالشوارع
سلموها لكل صايع
هاض حال الاردن ضايع
حوارة بدها خدمات
شوارعنا كلها ترقيع
مالي ومالك عم بضيع
والمسؤول طالع يفيع
حوارة بدها خدمات
شوفوا شوارع دابوق
وشوارعنا مثل الخازوق
ذوق من هالجور وذوق
حوارة بدها خدمات
دفعنا بدل تزفيت
مني ومنك انا حطيت
ناس ابسمنة وناس ابزيت
حوارة بدها خدمات
ولا تسالني عن المي
المي مقطوعة بكل حي
ولا مسؤول بقول خطي
حوارة بدها خدمات
جروا المية على عبدون
وابحوارة مات الزيتون
وينك يا ورد الدحنون
حوارة بدها خدمات
يا مسؤول كيف ابتسمح
القمل فينا عم يسبح
وانت بتعبي هالمسبح
حوارة بدها خدمات
لو بدك اتفصل تفصيل
خطوط المي بدها تبديل
دفعنا وما في تحصيل
حوارة بدها خدمات
وينك وينك يا مسؤول
ابحوارة ما في بندول
ما بدنا اتطلعوا البترول
حوارة بدها خدمات
مركز صحي ما فيه دوى
وصحتنا ابترجع للورى
واذا امرضنا اكلنا هوى
حوارة بدها خدمات
يا مسؤل الصحة عار
سعر الدوى زي النار
وانت ابتوكل بالمنشار
حوارة بدها خدمات
قالولي صحة وتعليم
شوفوا هم صاغ سليم
يا رحمن يا رحيم
حوارة بدها خدمات
الله يعينك يا حوارة
الزبالة امعبية الحارة
والجارة بتقول للجارة
حوارة بدها خدمات
لانه المسؤول كذاب
قررنا نضرب اضراب
حاويات الزبالة سكراب
حوارة بدها خدمات
يا مسؤول حوارة اسمع
حوارة عينها عم تدمع
يخرب بيتك ما عم تسمع
حوارة بدها خدمات
يا مسؤول وين رايح
انا بالاردن مثل السايح
والفساد منك فايح
حوارة بدها خدمات
ليش ابترفع بالبنزين
عحساب الشعب المسكين
واسعارك مثل السكين
حوارة بدها خدمات
اقرى وادفع بالجامعات
فوتونا ابدوامات
اسمع مني هالكلمات
حوارة بدها خدمات
بطالة وقلة اشغال
فقر وجوع وقلة مال
وصلونا لهل حال
حوارة بدها خدمات
بدنا وظايف يا ناس
وصلونا للأفلاس
والمسؤول بطق الكاس
حوارة بدها خدمات
انا بدفع كل الضرائب
ضلك بصم يا هالنائب
كل املنا بيكم خائب
حوارة بدها خدمات
ـــــــــــــــــــــــــــــــــــــــــــــــــــــــــــــــــ
* حملة شعبية من بعض من اهالي بلدة حوارة اربد الكرام احتجاجا على تهميش بلدة حوارة من الخدمات ومن الانقطاع المتكرر للمياه عن المنازل الشعبيه والمحلات التجارية والمدارس والموسسات الحكوميه , ومشاكل التمديدات الصحية (الصرف الصحي والمجاري ), والتأخير في تعبيد الطرقات والشوارع الرئيسية والفرعية والتاخير في عمليات الحفر للشوارع مما ادى ذالك الى تخريب وتكسير مواسير ضخ المياه وتركها دون اصلاح .
افراح حوارة والعريس احمد عبد المطلب محمود شطناوي ابن الاستاذ ابو علاء موقع حوارة اربد فادي مرعي حداد
