مالقيتى غير صاحبى الوحيد
كان تمشى انتى مع السراب وتبقى الخيانه بعيد بعيد
وتسيبى لى صاحب العمر اشكيلو هم قلبى البريد


انا شفت ريدكم فى العيون والريده مابتحتاج لبيب
لكنى كذبت الظنون واخترت لى روحى النحيب
والشكوى من قل الوفاء والقسوه من حظى العنيد

ومااصلو اسباب قربو منك
كنت بحكى ليه عنك .....
بى قليب مليان محبه همو كلو رضاك وحنك
لابخون فى يوم حبيبو ولا صديقو
وتانى عاد كيفن يريد
مالقيتى غير صاحبى الوحيد
يبقى هو .. وتبقى انتى .. والمقادير والنصيب
ببقى رضيان بيها قسمه ،الجايه من الله بتصيب
الا انتى ابقى راضيه كل يوم اسأل وأعيد ..
مالقيتى غير صاحبى الوحيد