** رسالة..

شعاع من الشّمس ' عافى ..

صابح يقول لك : "عوافى" .

لاجل ان تفتّح عيونك ..

تلقى سريرك ' دافى .

ونسمة جايّة بتسأل :

ليه لسّة الجميل ' غافى .?

قوم, أحضن الكون, وغنّى ..

واشرب عسل ' صافى .

وفراشة' بتحوم عليك ..

خفّافى ,خفّافى .!

جايبة لك كلام منّى ..

كان ساكن بأعطافى .

إسمع كلامها, وصدّقه ..

هتعرف اوصافى ..

هتقول لك كلام عنّى ..

وتفتش سرّ كان' خافى .

قوم, واحضن شعاع الشّمس ..

قوم, وانسى اللى كان' بالأمس ..

قوم ' وانفض تراب النوم ..

واحكى معايا حتّى بهمس ..

ولو شايل حمول, سيبها ..

وارميها على اكتافى .

ولو يوصلنى منّك ردّ ..

رح اجى لك' ولو حافى .!

ولو عاوز تكمّل نوم ..

هامشى لك' على اطرافى .

صبري على