مالك يابنت الناس متبطرة لية
شطحانة نفسك على عشتك بطرانة لية
من اهلك لويا بوزك غضبانة لية
موش دول اللى ربوكى وعلموكى
من وانتى طفلة اهتموا بيكى
والعاب وانتى صغيرة لعبوكى
وكنتى نور عنيهم فرحانين بيكى
وسنة ورا سنة بيطبطبوا عليكى
دلوقت بعد ما كبرتى محتاجين رعايتك
رايحة تقولى عيلة غم وعايزة تمشي بمزاجك
وتنشري صورتك وتقولى انا مخطوفة
وانتى بتلعبي بينا واتاريكى مهفوفة
يابنت الناس بقيتى مفضوحة
وهيرجع اللوم على اهلك اصلك انتى مجنونة
موش فاهمة اية عملتى بقيتى علسان لبانة
وموش خوفك من اهلك عشان غلبانة
دة اللى هيسمع قصتك هيقول دى ثعبانة
وعيب عليكى كان فين عقلك وانتى هربانة
الله يسامحك ويسامح كل واحدة تقول طهقانة
ولا حتى انا مخنوقة وهيا فى بيت ابوها متزانة
وانتا ياللى بتنشر اخبار كدابة
خاف على ولاياك. دى الدنيا دوارة
اصل العيار اللى ميصبش يدوش
والدنيا متفاتة
الشاعر يسري خليفة
