امتى يا مصرى - ( تعقيبا على قصيدة الاستاذه Amal Mahmoud )
امتى يا مصرى تعيش فى امان ؟؟؟؟؟؟؟؟؟؟؟؟؟؟؟؟
لما العدل يكون له مكان
لما الدم يجف فى ارضى
لما يكون فيه كرامه لعرضى
لما اكون انا فيها انسان
امتى يا مصرى
امتى يا مصرى تعيش فى امان ؟؟؟؟؟؟؟؟؟؟؟
لما يرد النيل لأصحابه
لما الغاز يتخف خرابه
لما بلدنا تعود طبيعتها
والقى فى كل مكان سكان
امتى يا مصرى
امتى يا مصرى تعيش فى امان ؟؟؟؟؟؟؟؟؟؟؟
لما الريس يبقى كويس
لما الراتب يبقى يعيش
لما يشيلوا وزير بيحشش
ويبقى العيش صنعت عجان
امتى يا مصرى
امتى يا مصرى تعيش فى امان ؟؟؟؟؟؟؟؟؟؟؟
لما الحق يعود لأصحابه
والمسجون يطلع من بابه
يتقابل مع اهله وناسه
يتقابل مع كل احبابه
امتى يا مصرى
امتى يا مصرى تعيش فى امان ؟؟؟؟؟؟؟؟؟؟؟
بقلم محمد البلاط
