راجعلك
--------
لو طال زمانّا أو قصر راجعلك
شايل بكفي حكاوي السنين
لو فرقت بينا الليالي عايشلك
وحابس في عيني دموعي وانيني
هتهجريني !؟ هقولك حرام
بهجرك يا روحي هتقتليني
هتظلميني !؟ هقولك ومالو
ولكن أمانة بقلبك شيليني
هضمك في حضني وفوق الضلوع
ونروي بايدينا قلوب عطشانين
هسامحك في غدرك وبعدك وهجرك
ولو مش هسامحك هسامح لمين
دانتي هنايا وويلي واسايا
وانت نهاري وليلي الطويل
بحبك وعايز هوانا يدوم
دا حبك حقيقة ومش مستحيل
دموعك حبيتي بخاطري تشيليها
بحبك وحبك دا فوق الجبين
بصوتك وهمسك وصورتك معايا
دا قلبي وقلبك تمام مظلومين
راجعلك ...
راجعلك وهقطف ورود الخدود
وهاخدك ونبعد بعيد عن الوجود
ونبني ما بينا وبينهم سدود
ما بين اللي كاره وبين الحسود
راجعلك
جابرسليمان
الخميس ١١أغسطس ٢٠١٦
