**أرقّ.

ّالقميص ماله كده' مش طايق الجتّة.?

ونفسى ليه متكسّرة ستّميت حتّة.?

والألم ..... ياما..

وف العين غيامة.!

وانا اللي طول عمرى..

باخد ف كشف النّظر..

ستّة من ستّةّ.!

والحزن بقى ع الكّيف..

واحنا ف عزّ الصّيف..

طلع الأمل..شتّى.!

والقلب مقبوض..

وربنا المعبود 

مانيش عارف..أتوه حتّى.!

ليه السّهاد واضح.?

والدّمع ' ليه فاضح.?

جوّة بنود السّعادة..

فيه بند مش واضح.!

امّا بنود الحزن..

من بدرى محفورة..

ع الخدّ, والقورة.!

والضّحكة' مقهورة.!

وطعم الالم ناضح.!

والضّغط, والسّكّر..

والدّم متعكّر..

والراحة تيجي منين.?

طول مانت بتفكّر.

والنّوم ' ربّنا يسامحه..

غيّر قوي ملامحه..

لسّة يادوب لامحه..

في العتمة....متتنكّرّ!

صبري على.