مصريات............
مصرى انا
ورغم كل الهموم
اضحك على حالى
امشى وراسى فى السما
اعلى من الاعلام
وف عتمة الليل اشوف سكتى
وديما خطوتى قدام
اخطف من الليل لحظة سكون
ولو غفيت
اخطف اجمل الاحلام
عكازى قلمى وضحكتى
وصنعتى
عوام فى بحور الكلام
انا المصرى ميزان الكون.
ومن دونى الميزان يختل
اعيش عاشق تراب ارضى
ولو حتى اكلها بخل
انا بانى بيوت الطيبه
يا طيبه
انا زارع غابات الظل
انا اللى شربت من شهدك
وقوتى فوق هامات النخل
انا مصرى وما اتهدش
ولادى كيف خلاايا النحل
انا المصرى اللى قلبه حديد
وكتفى م الحمول ما يكل
انا الحندى اللى حامى الارض
ورد على مصر كام محتل
وعلمناه دروس فى الغيره والنخوه
وشربناه كاسات الزل
انا المصرى
والاسلام دينى
وابدا ما اخون بلدى
تنادينى تلاقينى
واى كلب يعادينى
ايدية تنشل
اعدى الموت على عينه
ولا ممكن يعدينى
انا المصرى
ومصرى هى نور عينى
رشادالدهشورى
