فستان فرح
---------
الك عندى هديه كانت فستان فرح
كان نفسي ترتديه وأشوف
الفرح فيكى سرح
لكن شيطانك توهك
وخلى عقلك شطح
هجرتى سعادتك وفرحتك
وخليتى قلبك انجرح
مين مثلك يقلع شجر
للحب بعدما طرح
ولاكان ليكى هدف وباسم
الحب قلبى أتخدع
لما قربنا من فرحنا
كل شئ ظهر ووضح
الكدب مالوش رجول
لوكان له كان فلح
والحقيقه قريبه اول
مابابها ينفتح
هى الشمس لما تبان
مين لنورها مسح
لو كنتى غاويه الفستان
كنتى وصلتى اليه
زرعت حواليكى الحنان
واحساسي ما خفتى عليه
فضلتى عليا الغريب جريتى
عليه اتمسكتى بيه
من يومها انا حسيت
الفستان مش هتلبسيه
اصلى الفستان له شروط
لازم توافقى عليه
تكونى فى الحب طاهره
واللى تحبيه ماتخونيه
لقيت الفستان أعتذر
انك حتى تلبسيه
أصلى الفستان لونه أبيض
وده اللون اللى بتكرهيه
----------------------------------------------
وحيد احمد
نشرت فى 9 سبتمبر 2016
بواسطة Hrofwamaany
عدد زيارات الموقع
12,734