*=*=*000  بساط  جنح الليل  000*=*=*

-.-.-.-.-.-.-.-.-.-.-.-.-.-.-.-.-.-.-.-.-.-.-.-.

عابساط جنح الليل هالحلم نيمتو 

*==* 000 وخيوط عتم الروح عملتها وسادة 

شراع مركب امل للريح شرعتو 

*==* 000 حروف الشعر واقلام حملت زوادة 

بايمان سيف الرجا للخوف حاربتو 

*==* 000 فجر الهنا والحب وقعتلو شهادة 

مركب خيال الشعر عالموج سفرتو 

*==* 000 يصيد حروف وحلا الشباك معتادة 

ديوان عشق الروح عافجرنا طبعتو 

*==* 000  ماحسبت الف ليلية صار وزيادة 

مرجان بحر الحب بالايد صنعتو 

*==* 000 وزينت عنق الليل بعقد وقلادة 

حتى الفجر بكير بالعطر فيقتو 

*==* 000 ورافقت للغزلان عاسفحة الوادي 

بدك شعاع الشمس وقفت وكتبتو 

*==* 000 عملتو صباح الخير للبعبدا عبادة 

غفرت الخطايا كتار وحبنا سجنتو  

*==* 000 روحي وقلبك سوى بسجن افرداي

ياليل خبزك حلا وقربان وزعتو 

*==* 000 انت وانا وهالكاس لاتغير العادة 

-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.

الشاعر السوري المهجري ... اليان سمعان ...