مظاهر من حسن الخلق
كلمات بسيطة لو أضفتها لقاموسك هتفرق معاك وهتخللى شكلك متحضر
يعنى لما تتعود تقول ؛
حضرتك .......بدل أنت لما تكون بتكلم علاقتك به محدودة أو حد أكبر منك فى السن
بعد إذنك ...بدل خد
لو سمحت ......بدل هات
اتفضل .....بدل امشى
شكرًا ......بدل ماشى
عفوا......بدل ما تسكت
جزاك الله خيرا.....أحسن من شكرا كمان
وجزاك مثله( أو و إياك)....رد على جزاك الله خيرا
آسف لما تخبط فى حد وأنت ماشى
معذرة ...زى آسف كده بس أرقى
معلش.....لما تدوس على رجل حد أو تعمل حاجة تزعل 
سامحنى .....زي اللى قبلها برضه لما تعمل أو تقول حاجة تزعل
ربنا يكرمك ...لما حد يجاملك بكلام حلو
مبروك وردها ربنا يبارك فيك عقبال عندك
لما حد يكون عنده مناسبة سعيدة
ولو مناسبة حزينة 
البقاء لله.....والدوام لله
شد حيلك ......الشدة بالله
ربنا يجعلها آخر الأحزان....آمين وإياكم
أحسنت لما يعمل حاجة كويسة
لا فض فوك لما يقول حاجة كويسة 
لو نسيت دول
الله ينور .....وعليكِ 
زيهم كده لو شفت بوست وعجبك دوس لايك الحمد لله انه مش بفلوس 
بطل كسل وشجع غيرك ع الصح
كمان لما تبقى خارج مثلا من مكان وفى ناس وراك مستنيينك 
انجز ما تتمخترش ....من فضلك
أنا عارف أن حضرتك أعلم منى بالكلام ده
لكن اكيد بتضايق لو حد خبطك وهو بيتحرك ولم يكلف خاطره ويقولك معلش
بتضايق لو كنت بتشترى حاجة ولقيت البياع بيقولك خد
بتضايق لو شفت حد بيكلم واحد اكبر من أبوه وبيقول له ما أنت....
بتضايق وبتضايق وبتضايق ...
وحقك صراحة وأنا كمان زيك بتضايق
قال تعالى ؛.
" وقولوا للناس حسنا"