لما تكون بتكلم واحد (خاصة لو ع النت) وكل همّك تعرف هو دينه إيه ولا فكره تبع إيه ولازم تصنّفه قبل نهاية الحوار يبقى انت متعصب

لما واحد يقولك: هو مسيحي آه بس والله ابن حلال يبقى انت مسلم متعصب

لما تحط لابنك الصغير شيكولاتة ع المخدة، ولما يصحى تقول له يسوع اللي جابها، وتاني يوم متحطش حاجة وتقول له محمد سرقها ، تبقى انت مسيحى متعصب + كداب

لما تلاقي إبنك اللي في تانية إبتدائي بيشخبط على صور الكنايس في كتب المدرسة، يبقى انت متعصب وماعرفتش تربي


لما تشوف قسيس او واحدة منقبة و تقلب وشك يبقى انت يبقى انت متعصب

لما تقول على أي حد مربي ذقنه دا إرهابي يبقى انت متعصب

لو خايف تدفع تبرع لمؤسسة خيرية عشان ميستفدش بيها واحد على غير دينك .. تبقى يا برنس متعصب

لو شايف انك عادى تعاكس واحدة عشان هيا مش من دينك يبقى سيادتك متعصب

لما تفتكر ان كل سلفيين مصر كانوا في امبابة .. أو كل المسيحيين كانوا مستنيينهم جوه الكنيسة يبقى انت متعصب


لما تقولى مش هتجوز غير ملتحى او مش هتجوز غير منقبه يبقى انت متعصب
طب ماتتجوز واحده تهديها انت او اتجوزى واحد وانتى تعينيه على طريق الهدايه

لو مقتنع ان كل مش محجبه تبقى صايعه....و كل محجبه معقده...وكل منقبه متطرفه وتقول عليها بيئه وفلاحه تبقى انت متعصب

لما السلفيين والكنيسة يغلطوا وانت تهاجم السلفيين بس ..بيقى انت متعصب

لما مسيحيين بيتظاهروا اودام السفارة الأمريكية و سلفيين بيرفعوا علم السعودية يبقى مبروك علينا التعصب

لما ماتشتريش غير من محلات الاقباط حتى لو حاجتهم سيئة و غالية يبقى انت متعصب قبطى

مابتشتريش من محلات اقباط تبقى متعصب مسلم

تبقى بتتكلم فى اى حاجة و لما ييجى واحد مسيحى تتكلم فى الدين تبقى انت متعصب + منافق

لما تكون صاحب محل التوحيد والنور ... و مشغل كل الدقون و بس تبقى رجل اعمال متعصب

لما تكون عندك اكبر شبكة محمول و مشغل الادارات القبطية و بس تبقى متعصب قبطى

الدولة اللي تخصص ميزانية للأزهر من ضرايب المسيحيين والمسلمين وممنوعة ع الأقباط تبقى دوله متعصبه

لما تساعد واحد عايز يطمن أهله وبعدين تكتشف ان أسمه مينا وتقول يا ريتني ما ساعدته، يبقى انت أكيد متعصب + ندل

لما اخواتك يبقى مموتين اخواتي وتروح انت تعتصم عند ماسبيرو تبقى انت إيه ......

لما تبقي مسيحي و خايف تقتنع ان المسلمين المعتدلين كتير و مش بيكرهوا المسيحيين تبقي انت مسيحى متعصب

لو أفتكرت إن كل السلفيين متطرفين أو كل المسيحيين عايزين تدخل أجنبى أو كل المصريين عنصريين ... يبقى أنت متعصب

هل تقبلك لديانة الآخر مرتبط بكون دينه من الديانات السماوية فقط؟ إجابة خاطئة تكسب معانا إنت واحد متعصب

لما حد يقولك مساء الخير فترد عليه : و عليكم السلام و بركاته وتحرجه عشان هو مسيحى تبقي حضرتك متعصب + قليل الذوق

لما أقولك إنت غلطت في كذا .. تقول لي ما هما برضه غلطوا .. ونعيش بمبدأ يا عزيزي كلنا لصوص يبقى انت متعصب

لما تروح سفارة أمريكا وتقولهم أنا مضطهد دينيا والمسلمين بيحاربوني عشان تأخذ الفيزا بتاعة أمريكا يبقى انت أكيد متعصب +انتهازى واللى تغلبه العبه

لما التحقیقات تقول عادل لبیب وبلطجیة الوطنى وانت مش عاجبك عشان السلفیین طلعوا منها وتفضل مقتنع ان السلفى متهم حتى لو لم تثبت ادانته یبقی انت 100 فى ال 100 متعصب

لما دينك الاسلامى اللي أمرك بالعدل والإنصاف يكون هو حجتك وسببك فى ظلمك لخلق الله يبقى البعيد ضلالى و متعصب

لما واحد قبطى يقول : لا تظنوا اني جئت لألقي سلاما" على الارض.ما جئت لألقي سلاما" بل سيفا" وانت وهو تكونوا فاهمين كلام السيد المسيح غلط وفسرتوه على مزاجكم يبقى انت وهو متعصبين


قال تعالى : لا يَجْرِمَنَّكُمْ شَنَآَنُ قَوْمٍ عَلَى أَلَّا تَعْدِلُوا اعْدِلُوا هُوَ
أَقْرَبُ لِلتَّقْوَى وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ"... صدق الله العظيم
لما تبقى مسلم وماتعملش بالآيه دى ... تبقى متعصب

لو مقتنع ان كل مش محجبه تبقى صايعه....و كل محجبه معقده...وكل منقبه متطرفه تبقى انت متعصب +سطحى

لما تكون هتموت علشان تعرف ريم ماجد بره التليفزيون بتلبس صليب ولا هلال تبقى انت متعصب + فاضى


لما تقولى مش هصاحب فاطمه عشان ريحتها عرق وبيئه و انتى تقولى كريستين ريحتها وحشه ومزيته تبقى انتى متعصبه +وكمان خنفه :D

مابتاكلش من ايد مسيحيين عشان هما اصلهم مابيستحموش و انت اللي نضيف اوي بروح ......... يا متعصب

لو مش معتقد ان الدين لله والوطن للجميع حتى لو بترددها وانت مش فاهمها تبقى انت اكيد متعصب

التعصب و الدين خطان لا يلتقيان.. و لو حصل.. هتلاقي علامة اكس فى وشك عدل


لسه بتسأل إنت مسلم ولا مسيحي؟ مبروك إنت متعصب