النهاردة خرجت من المستشفى ورجعت البيت ونزلت على الورشة حبيبى وحشتينى وحشتنيى  بجد مهما الواد اتغرب هتفضل ورشته وصنعته هى الاساس المهم بعد الظيطة والزمبليطة واللى جاى يسلم واللى جاى يتكلم قعدت مع نفسى افكر انا لازم اعمل انتفاضة لازم اظبط حياتى علشان العيال وعلشان النصيب عملت افكر افكر وقلت انا هنزل المينا لازم اروح هناك اشوف البلد ماشية ازاى واتصلت بالاسطى حموده علشان يجى معايا والتليفون يرن ميردش يرن ميردش قلت مبدهاش قلت اروح انا وولت المينا وعلى البوابة مرضوش يدخلونى وانى اقنعه ابدا امد ايدى واطلع خمسة جنية يمكن يحن ويرضى ابدا وفى الاخر لقيت الحاج هاشم ده من التجار المهمة عندنا روحت سلمت عليه وقلت له مش راضيين يدخلونى قالى طب تعالى معايه ركبت العربية معاه ودخلت وايه مقلكوش هيصه ناس كتير كتير ومبانى كتير كتير وسفن كتير كتير المهم الحاج هاشم قعد يقولى هو انت جاى هنا عاوز ايه :

سكت  قالى هو سر قلت له لاء انا عاوز اتفرج علشان استورد قالى تستورد ايه قلت له استورد خشب ابلكاش اى حاجه من دى

الراجل بص لى وسكت مهو من اكبر المستوردين للخشب وانا هبقى منافس له المهم قلت له انا هنزل هنا قالى هتنزل فين يا اهبل احنا لسه موصلناش المهم من هنا لهنا لقيتى قدام حته دين سفينه اكبر من الكباس اللى شالوه اى والنعمة و فجاءة سمعت صوت حد بيصرخ حاسب يا ريــــــــــــــس   اى