ياله يا خويا منك له يا له يا خويا انتهى انت وهوه الزيارة خلصت  كل مسمع الكلمة دى اتقبض بحس انى مش فى مستشفى بحس انى فى السجن المهم الايام هنا بتعدى زى بعضها قرفت وزهقت بس اللى كان بيهون عليه الاسطى احمد اللى  فى السرير اللى جنبى عمال يرغى ويحكى له عن مشاكله مهو شغال زيى نجار بس فى مصنع اثاث كبير عندنا وطبعا الراجل كبير فى السن وبقاله شهرين فى المستشفى وانسى بقى محدش عبره اقوله ليه هو مش انت ليك تأمين يقولى تامين ايه ياعم دى حاجات علشان الورق اهو انا من يومها كده لا مرتب ولا فلوس وعمال الف وادور حوالين نفسى وخلاص امبارح عرفت انهم جابوا  واحد مكانى وقطع كلامنا واحد جاله زيارة
انا قعدت افكر هو بجد احنا رخاص قوى كده يعنى لو بشتغل عند حد او حر نفسى فى لحظة ممكن اضيع كده واولادى  يعملوا ايه . وفضلت مهموم طول اليوم مفقتش غير الساعه 2 بالليل على صوت حاجة غريبة ششششششششش ايه ده ياربى مش عارف ابص يمين شمال الدنيه ضلمه خرمس وانا مش عارف وبضرب بطرف عينى لقيت حاجه من بعيد لونها ابيض وفى وسطها نار وبتطلع بخار وانا قلت الله اكبر الله اكبر واصرخ اصرخ اصرخ  واللى قدامى يصوت يصوت يصوت لحد مصحيت كل العنبر والاقى النور نور ويطلع العفريت الوليه ام حافظ  الممرضة مولعة على حلة محشى وكانت بترفع الغطا تشوفه استوى ولا لسه