س : عاوزة مساعدة منكم طبعا كلنا عارفين الازهر بيتباع فيه قماش تنجيد وستاير انا عاوزة اعرف بقى انا هاعمل انتريه لونه بنى فى تركواز وعاوزاه يكون سادة ياترى القماشة دى بتبقى اسمها ايه اللى شبه القطيفة وياريت لو حد عنده فكرة عن الاسعار لانى هاجيب 50 متر وكمان ايه اقمشة الستاير اللى تليق ع الانتريهات المودرن دى؟؟ ورايكم اعملها لونها ايه ؟؟؟ ارجوالافادة
والشانليا انواع كتير وانضف الشانليا ع قطن وداه بيكون غالى ف حدود 50 جنيه للمتر .
اما الشموازت او الشانليا اللى ع قطيفه ف داه سعرة بتراوح من 12 جنيه لحد 30 جنيه على ما اظن
برده انتى انزلى الازهر وهتلاقى اشكال كتير بس خدى معاكى حد بيعرف يفاصل
بالنسبه للستارة انا على ما اطن انك لو هتعملى انتريه مودرن البوكس هتحتاجى ستارة ع مواسير وفيه اشكال كتير.
لكن لو تعملى انتريه مودرن كنبيت وكرسيين الكرسيين باين فيهم الخشب تقدرى
تعملى درابيه على خفيف وبصى علشان مدوخكيش هتلاقى ف الازهر ستارين تجنن وكتالوجات وبتختارين اللى انتى عاوزاه وبيفصلوا المتر ب 5 جنيه غير سعر القماش.
ويارب اكون افادتك ولو محتاجه اى حاجه تانيه
ساحة النقاش