انا سوسة وساعات اصحابى  بيدلعونى ويقولولى سوسى انا حلوة ودلوعة وصغيرة انا بعيش جوة الخشب وبرضة بموت جوة الخشب وباكل وبشرب خشب انا اتولدت كده ولقيت نفسى كده ببقى مبسوطة قوى لما بتنقل من مكان لمكان بس بعد مبخلص على كل الخشب اللى بقعد فية بفضل احفر واحفر واحفر علشان اخرج بره لوح الخشب تسالونى وتقولولى ليه اقولكم علشان اعمل تان " اخد حمام شمس يعنى ولونى يبقى برونزى " مهو من حقى انى اشم شويه هوا بره الخشب مش هنكر ان ده بيعملى مشكله انا وعيلتى واهلى واخواتى لانى اول مبخرج واصحاب البيت بيشفونى  بتبقى وقعتى سودا ايشى مبيدات وايشى دوا وايشى حقن بعلاج علشان يموتونى ويطفشونى  وحاجة تقرف مهو لصابت لخابت بس اعمل ايه وساعات لما باكل بصوت عالى ويسمعونى بيبدوا الحرب وابدا انا احاول اهرب واروح لبيت تانى اقصد لوح خشب تانى  "   بتبصولى كده ليه انا مش بقصد أئذى حد بس انا اتولدت كده وعرفت كده وانا مبعيش غير فى الخشب الرخيص اللى انواعة مش كويسه يبقى العيب والغلط عليكوا مش عليه انا ............. ياله بقى عندنا حفلة فى باركية البيت  سى يو