*ابتكار وجمال*
هنتكلم النهارده عن افراح اﻻماكن المفتوحه والفيلات
لما نحب نتكلم عن فرح فى فيلا نبقى بنتكلم عن فرح غير تقليدى خصوصا فى المجتمع المصرى لان فى مميزات كتير جدا غير موجوده فى الفرح العادى او افراح القاعات المغلقه.
اهم مميزات افراح اﻻماكن المفتوحه:
* الوقت:
اى عروسه بتحلم ان يوم زفافها يبقى غير عادى والفيلا بتديها ده بس اهم ما فى الموضوع انها ممكن تستغل الوقت اللى هى تحبه.
يعنى ممكن نعمل الفرح بالنهار وفى حاله دى ممكن تركز على على الديكورات
وممكن تعمله بالليل وفى الحاله دى مش هنخرج عن المألوف بشكل كبير لان الناس فى مصر متعوده تعمل افراحها بالليل وهنا ممكن نركز على فن توزيع اﻻضاءه بجانب الديكورات.
واهم ميزه فى افراح الاماكن المفتوحه امكانية الجمع بين الوقتين ممكن نعمل الفرح ما بين النهار والليل وبكده هنحصل على ميزه مهمه جدا هى اننا عملنا فرحين واحد بالنهار والفح التانى بالليل.
* الديكورات :
اى ديكور العروسه تحب تعمله فى ليلة العمر ممكن تعمله فى فرحها فى المناطق المفتوحه ودى ميزه مش موجوده فى اﻻفراح العاديه
ده لان مفيش قيود من حيث المكان او الالوان فى اﻻماكن المفتوحه والمكان بيتمتع بانسيابيه وبيعمل لمسه جماليه هايله.
كمان تجهيز المكان ممكن نستخدم اى ادوات تناسب اختيارات العروسين من غير قيود.
دى فكره مختصره عن افراح المناطق المفتوحه واللى يارب نكون قدرنا نوصلها ليكم من غير تعقيد .
بجد الفكره جريئه وحلوه اوى ومحتاجه منكم تفكير عشان دى ليله غير قابله
للاعادة .
.
استنونى فى مقاﻻت تانيه عن فن تجهيز وادارة الحفلات.
ساحة النقاش