تخمة

م الأكل جالك تـخمه

وزاد ... الكلوسترول

بظبظت كتير م السِمنة

وانضرب ... القولون

ممنوع يا أخينا م اللـحمه

والعدس كمان والـفول

والمحشي باللية الضاني

والبدنجان وام الخلول

تاكل خيار .. سلطة خضار

والخس كمان .. والفاكهة

في العشا .. والفطار

وفراخ .. ورور .. و طازه

على سفرة .. الغدا

خاليه .. م الدهون

ويفضّل ... الصدور

والسمك .. أوصيك عليه

خصوصاً ... الأوميجا سري

مشوي ... صيادية وشوربة

لو تقدر ... تشتريه

قلت ل هم .. أجيب منين

دا نا بايع .. الحديدة

يااخوانا .. من شهرين

مش لاقي حتى بريزة

لبطاقة .. التموين

وماديلدا .. ويّا عزيزة

سارحين بالمناديل

أنا عايز .. وصفة قوية

يكون أساسها البطل

ومدمس .. مع طعمية

فجل وجرجير.. أو جزر

مع صلصة .. الملوخيه

و النابت فول

والأسود عسل

واللي حصل ...

حصل وطحينة

رحنا وجينا ولا عدينا

والخيبة بقت بالويبة

بقلم

السيدالعربي رزق