عن تجربة قمت بعدد من الخطوات الهامة لكى أقوم بتعليمهم دخول الحمام والتخلص من الحفاضات :
أوجة الرسالة دية بالأخص للأم أهم حاجة ومهمة جدا أن تتحلى بالصبر وأن تكونى ملحة وعدم الأستسلام والألحاح لكى تصلى للنجاح بمعنى عندما يتم أبنك أو بنتك السنة والنصف تبدأى بالمحاولات ويتأخر فى الغالب الأولاد عن البنات فى عملية التحكم
أولا : تبدائى بفك الحفاضات وتجلسية على الحمام المخصص للطفل فى الصباح عندما يستيقظ وحاولى توجهى لة بعض التعبيرات اللغوية مثل يلا هنعمل بيبي هنا يلا حلو أوى يلا وهو هينتبة وتأكدى أنة مركز ويكون منتبة ليكى ولو بالفعل عمل طبعا التهليل والتصقيف وتعطية حاجة بيكون بيحبها ، ولو لم يفعل أقصى حاجة من 10:15دقيقة تجلسية مش أكتر من كدة علشان ميكرهاش ويفتكرها أنة عقاب 
ثانيا:تأكدى أن العملية دية قائمة على الحب المتبادل بينك وما بين طفلك أعتبرى أنة كدة بيعطيكى هدية علشان يشوفك سعيدة لأنك محور أهتمامة الأول 
*وسوف أكمل لكم فى المرة القادمة محاولات التعليم والتحكم فى عملية التدريب على ذهاب الطفل للحمام

نتابع
ثالثا:أن تقومى بهذة العملية مرة أخرى بعد وجبة الغداء أن تجلسية وتحاولى معاة عندما لا يفعل أو يكون عامل فى الحفاضة تتكلمى معة وتقوليلة (أية اليع دة دا كدة وحش خالص يا بهدلت نفسك لازم نغير اليع دة ليعملك واوا تناى مرة نعمل دة هنا وتشاورى على حمام الأطفال مرة على مرة هيستوعب )

رابعآ:الفترة التى تسبق النوم ويكون تناول العشاء وشرب الماء تقومى بالمحاولة الأخيرة وتجلسية وعليكى أ ن تتحدثى مع طفلك وتأكدى فى داخلك أنة يفهمك وهيستجيب لكى بعد فترة المهم فى الموضوع الأستمرار وأن لا تكسلى فى هذة المهمة

خامسا:عندما يمر مدة 3 شهور على هذة العملية وأذا كان طفلك أبتدا فى السيطرة على نفسة ولكن مش فى كل مرة تظبط معاة ساعات يعملها فى الحفاض أو على أى شئ أرجوكى لا تقومى بتعنيفة بقسوة ولكن بالعقاب الخفيف أنك مثلا تظهرى على ملامحك الغضب ولازم تبادرى كل مدة وعلى مدار اليوم كل ساعة تمربأنك تسألية (تيجى تعمل حمام يلا بينا علشان متعملش يع على نفسك )

وملحوظة مهمة :أرجو منك فى فترة التدريب وإلى حد أن تنجحى فى تنظيم هذة العملية أذا كنتى تخافين على السجاد الفاخر أوالأنترية أن يتسخ أن تحافظى علية بتغطيتة فترة وتضعى أشياء خفيفة تساعدك بدلا ما تيأسى وترجعى تلبسية الحفاض حافاظا على أشيائك فسوف ترجعى بعد فترة وهتبدأى مع طفلك من جديد وهتكون أصعب من الأول لأن هذا السن المناسب للتعلم بعد ذلك هيكون الموضوع فية عناء عليكى وعلى الطفل وأحتمال يدخل فى العند فلا تجعلى العملية صراع بين وما بين طفلك 

سادسا:عندما ينام طفلك وبعد ما يمر ساعات قليلة على نومة أبدئى فى حملة وأجلسية على الحمام مدة 5 دقائق ورجعية لسرية مرة تانية وأستمرى إلى أن تنظم العملية ويبدأ فى التحكم .