1 المسلسل من تأليف هاني السعدي

2 كلمات الشارة والموسيقى التصويرية لإيهاب مرادي

3 بيكون مغني الشارة جان خليل

4 والأغاني يلي بيطلعو خلال الحلقة فيهن تاري وناري وأفكاري.....

5 والموسيقى التصويرية من مسلسلات سابقة

6 يكون في صريخ وسلخ كفوف وقواص بالروسيات أثناء الشارة وكلمة خراس وتفو عليك كتير ضرورية

7 استخدام الجيمي جيب (نوع من أنواع الكاميرات شكلها بيشبه الرافعة)في كل لقطة من المسلسل ويفوت المخرج المصور غصبن عنه من برنده وبطالعه من التانية ويدخل من بين رجلين هاد ليطلع من ورا هداك.

8 تكرار الممثلين في كل المسلسلات يعني ميلاد يوسف و إمارات رزق قول هادا الشي عادي بس انو بحاجز الصمت يموت ليث مفتي (بدور رامي)بالإيدز ليرجع يعيش بالجزء التاني (بدور ربيع)وبإيدز مرة تانية هي ما فاتت بعقلي يا أخي الزلمة محكوم يموت بالإيدز بكل الأجزاء ولا عبد الفتاح مزين بكون جاسوس (أبو شفيق)بالجزء الاول وبينحبس وبالجزء التاني بيطلع من الحبس وبيصير كاظم وكمان بموت شنق التاني يعني قلة ممثلين بسوريا غير ليث وعبد

9 وجود الطفل سليمان رزق هاد بإيدز بالخط الأحمر

10 وجود ألقاب للممثلين في الشارة بشكل كبيييييييير مثل الفنان الأنيق سليم كلاس و الفنان المشاكس قاسم ملحو 

وأخيرا كل الأبطال بإيدزو وبيموتو حتى الباحثة الاجتماعية ومديرة المصح وما بصفى ولا شخصية عايشة بالمسلسل