بسم الله الرحمن الرحيم

طبعا" الموضوع مش جديد اوى لأن انا واخد الفكرة من مستر موسى و هى تنشيف الجمبرى و تأكيلة للسمك
و لكن حسيت إن محدش عمل الفكرة دى الا شوية بس

فحبيت أجربها و قولت لو أدت نتيجة كويسة أعملها موضوع منفصل عشان كلة يهتم
طبعا" الفكرة دى ممتازة انا جربتها و لونت السمك كويس جدا" و خلت ألوانة مزهزهة و رائعة و طبعا" الفضل لمستر موسى ربنا يزيدة علم كمان و كمان

خطوات العمل:.
1) أحضار نصف كيلو جمبرى برغوث من السوق (الكيلو بيعمل حوالى 4 جنية للطازة و واحد جنية للمعفن)
2)غسلة جيدا" بالماء من 3 لخمس مرات
3) ترك الجمبرى فى مصفاة لمدة ربع ساعة لكى يجف
4)وضعة على النار فى طاسة و تقليبة جيدا" لمدة نصف ساعة ثم وضعة على النار الهادئة لمدة نصف ساعة أخرى مع التقليب البطىء المستمر.
5)و احنا بننشفه على النار يجب تنشيفة لحد ما كل المية الى فية تروح و لونة يبقى بنى
6)تركة فى الهواء لمدة نصف ساعة للتهوية (يبرد)
7)أحضار كبة أو خلاط و ووضع الجمبرى فيها و فرمة جيدا" احد ما يبقى عامل زى السكر
8)وضع الجمبرى فى برطمان محكم الغلق ووضعة فى الثلاجة
9)إطعام السمك من 3 لخمس مرات فى الأسبوع على حد علمى
طبعا" لازم نعرف إن الجمبرى المطحون هيحتوى على قشر هيطفو فوق سطح الماء فمتبقاش الكمية كبيرة و عموما" القشر دة السمك هياكلة بردة بسرعة متخافوش