هي الحبيبه والصديقه
الام لما احس بوحدتي
والاخت لما تتسرق مني الاماني
واتمني رجوع ضحكتي
هي الابنه ساعه ماتتدلع
ساعه ماتغلط
تغلط واسامح
انسي بيها دنيتي
وهي العشيقه لما
تحتار مني اشواقي
ولما اتعب تدوايني
تبقي لجروحي ترياقي
تهون روحي وماتهون
يروح عمري
المهم عشقهاباقي
هي كل الحاجات
البسمه ساعه دمعتي
هي الوداد
كل الحروف اللي كلامي
واروعها ساعه سكات
هي التوبه اللي في ضميري
هي سجدتي وقت ماانوي
صرختي ساعه ميلاد
هي حب
لا يمكن ابدا يبقي حب
دق قلب
طب هو يعني ايه العشق
بدون دق قلب
استحاله يكون شعوري عادي
استحاله تنكتب مرتين
لحظه ميلادي
شعوري ليها استحاله
يتوصف بكل الحروف
اصل علمتني ازاي اعيش
وازاي اعشقها بكل الظروف
هو عادي ..لا والله 
مش حب عادي
استحاله قلبي بيها يحس خوف
هي حرف
ولا ورده حب
منقوشه بظرف
هي معني 
لا والله هي عندي 
كل حاجه ليها معني
تكنش حلم
حتي لو والله حلم
يكفي اني عشت بيها
وعشت ليها
ورسمتها من رمش حلم
هي وهم
لا والله
هو فيه عشق ببتولد
من بطن وهم
ولا فيه قلب بيبتسم
وعايش بهم
هي ايه ...تبقي ايه
هي السوال اللي لما تساله 
استحاله يكونله رد
يمكن يكون عشق الهي
حب الهي
يمكن قدر
وهو فيه في الدنيا واحد
نافس قدر
تحدي قدر
مهما كنا ومهما ومهما
هو الاله
واحنا البشر
احمدعبدالحق