أُكتوبر 73
======
أُكتوبر تلاته وسبعين 
ذكرى عظيمه يامصريين 
بس إنتو خليكو فاكرين
واحكوها دايماً لاولادكم 
مهما عدت من سنين
إنتصرنا نصر مبين
ومحينا سبعه وستين
بِجِزَمنا دُسنا الملاعين
البُعداَ ولاد الشياطين
وصهاينه دول مجرمين
أولادنا كانوا على الجبهه
وعيونهم صاحيه ومنتبهه
بسلاحهم كانوا جاهزين
ومعاهم دعوات ملايين
بإراده وعزيمه قويه
الساعه إتنين الضُهريه
كات نصره أكيده مِدويه
على أعداء كل البشريه
بِخطه عظيمه مدروسه
حطمنا أكبر أُكذوبه
وهزمنا جيش الأُسطوره
أبطالنا بقوا ملو الصوره
والعالم بقى كله ف حيره
بارليف وحصونه الجباره
إنهارت مع أول غاره
بنيران دبابه وطاره
وشجاعة جندى وشطاره
وقياده واعيه ومكاره
ياسلام ع المصرى واصالته
ف حمايته لبلده وبسالته
بروحه هوا بيفديها
والأزمه برضه يعديها 
عاشق لترابها ومبانيها
إحميها يارب وخليها
واحفظ جيشها وعليها 
===========
( محمد عنانى )