جارى التحميل
استخدم زر ESC أو رجوع للعودة
* ((**مكتوب علينا**))
** ** ** **
مكتوب علينا نعيش
عيشه ماهيش لينا
وادينا عايشين
نصبر روحنا بروحنا
ومين يداوى جروحنا
ولفين رايحين
عايشين تايهين فى ليالينا
محناش عارفين
طعم لفرحه تكون لينا
وادينا ساكتين
ومهما قولنا وحاكينا
هنشكى لمين
إنتي يادنيا واخدانا
كدا على فين
ظروف بتتحكم فينا
وادينا صابرين
دا الصبر ياناس طعمه مرر
ما فيش فيه حبة سكر
والسكر فين
وكل يوم يزيد أكتر
يامر ليه كدا بتكتر
محناش عارفين
هيا السعاده طريقها منين
نفسي أعيش لي فيها يومين
هنفضل لإمتى كدا صابرين
يارب الكون تفرجها
والدنيا العوجه تعدلها
كفايه شوفنا فيها كتير
** ** ** ** **
.....................................................فاطمه عبد الشافي
المصدر: مكتوب علينا// بقلم الشاعرة// فاطمة عبد الشافى
