فين الضمير
=======
ياعالم ياهوه فين الضمير؟!
كنا زمان بنتقن عملنا ودا مش كتير
وكان فيه بركه وكان فيه خير
وكانو ولادنا يراعوا الغير
دلوقت ياناس فين الضمير ؟!
رشوه وفساد ودا شىء خطير
والغش أصبح حاجه أكيده
فى كل حاجه قديمه وجيده
والنصب برضه حاجه مفيده
ياعالم ياهوه فين الضمير ؟!
إيه يعنى .. عايشين إحنا ف غابه
ولا كتير منا أصبح ديابه
تاكل وتنهش ف لحم الغلابه
لازم نِفوق ويِصحى الضمير
نِعلم ولادنا صحيح الدين
نشيل عن كتافنا تراب السنين
ويرجع مابينا ترابط متين 
وصدق ومحبه يارب آمين
--------------
( محمد عنانى )