قالوا عليه زيرنساء
متخصص في اللباقة
متحكم في الهجاء
ونسيوا يقولوا عنه
مولود بجرح عمره
منزوع الاحتواء
نسيوا يقولوا انه
جوال علي كتفه فنه
بيحاول يداري جرحه 
بيدور يلاقي نفسه
بيحلم بالانتماء
ظلموه حتي بمشاعره
قتلوه جوه حروفه
محسوا في يوم مشاكله
ولا ايه كانت ظروفه
لو حد عاش جراحه
ماهو كل طير بيحلم
بطيره ساعة صباحه
وكل جريح ياقلبي
بيدور علي جراحه
ماهو لو واحد فيكوا حس
مره لحظه فشله 
كان حس ازاي يدوق
لحظات نجاحه
مش زير نساء وعمره
ماكان عابد نساء
ماهو كل حد فينا
مخبي بين ضلوعه
الف مليون داء
وكل حد فينا 
رغم سعاده ملامحه
رغم ذكائه اللي باين
جواه عايش غباء
ستارة بتدارينا
نقاب أو حجاب
أو ميه مليون قناع
برضو اللي فينا فينا
ضلمه عاوزه شعاع
يابني مهما تخبي
وتقول عليه ده زير
ماهو كل حد فينا
قابل علي التغير
وان جيت مره تعدل
أو جيت في لحظه تغزل
ارمي الشبكه يلا
ه تطلع هي هي
مشاعر وبنداريها
جوارح بنحاول نسترعليها
وعيوبنا غصب عنا
رافضه انك تشوفها
سؤال مالهوش اجابه
كله مليان عيوب
وكله في الكراس مكتوب
معدول ماشي أو مقلوب
ظالم حتي أو مظلوم
حاكم كنت بمشاعرك
اومحكوم
لازم كل واحد يبتدي
يهتدي
كله قسمه 
وهناك كمان مقسوم
احمد عبد الحق