قالوا زمان في الحب
سكة من غير رجوع
سهر..عذاب...أنين
وقلوب بتنزل دموع
نصيحه جدي زمان
لا تعشق في يوم أنثى 
جنيه جوه البحر
متعرفش ليها مرسي
أبعد ياواد يااحمد
عن سكة الممنوع
وقال كمان وكمان
اوعاك تحبسك انثي
وتقفل عليك ترابيس
هو اللي يركب تاكسي
زي اللى راكب اتوبيس
اوعاك تفتكر وتغرك
الاعيب انثي
كان غيرك اشطر
آخره حب عنتر
اترسم على الفوانيس
اوعاك تصدق كدبتك
هي فيه في الدنيا جنه
دخلها فى يوم إبليس
اسمع ياواد يااحمد
احلم بأنك شاعر
واحلم تبقي حروف
وان توهت وسط الحب
أو لماتحس بخوف
اصحي وفكك منها
مش ناقصه وهم بحلم
ياما ملينا كراريس
احمد عبد الحق

المصدر: قالوا زمان // بقلم الشاعر // احمد عبد الحق
  • Currently 0/5 Stars.
  • 1 2 3 4 5
0 تصويتات / 65 مشاهدة
نشرت فى 5 سبتمبر 2018 بواسطة Cleobatra

عدد زيارات الموقع

111,534