راهنت وخسرت رهانى
وعشمت نفسى بأمانى
جانى من الهم ما جانى
وكان تفكيرى الجانى
كذاب يا قايل لو بالمال
هرتاح وابقى خالى البال
قبلك ما جربت نصيبى
وضاع عمرى ومرضى اهو طال
راهنت على حب احبه
يرفعنى بالمال للعالى
وحقيقى قلبى كثير حبه
لكن قلبى تجاهى خالى
ماطلش بينا الود كثير
سبنى وراح لطريق تانى
لا حب طولته وكسبته
ولا مال رفعنى وخلانى
حزنت على شىء خسرته
وكان حصانى فى رهانى
لا طولته ولا حتى كسبته
ومرضت عام وادى التانى
بطلب من الله يريحنى
ويفتكرنى ما ينسانى
وبطلب من الناس تدعيلى
يا موت يا اما يشفينى
راهنت وخسرت رهانى
وعشمت نفسى بأمانى
جانى من الهم ما جانى
وكان تفكيرى الجانى
بقلم محمد البلاط