جارى التحميل
استخدم زر ESC أو رجوع للعودة
&ــــــــــــــــــ&ايوه ده دمى&ـــــــــــــــــ&
ايوه ده دمى
تعـالى خـد عينه منه وحللوا
ايوه ده قلبى
ولا حد ف الكون غيرك يقدر يشغلوا
ايوه ده نبضى
اللى حبك مولعه وغرامك مشعللوا
ايوه دى عيونى ،
اللي بتعشقك وتدمنك
ايوه دي جفونى،
اللي هتغطيك وتحضنك
ايوه دي شفيفى،
اللي بينهم هقبض عليك وإسجنك
ارويهم من حنينك اوعى تسيبهم يدبلوا
او من نظرة عيونك يرتجفوا او يخجلوا
أيوه دا خدى تعالى ألمسه وإسألوا
هيقولك كل حاجه فيا لحضنك مستسلمه
والليالى من غير قمر بتبقى مضلمه
والبعد عنك شئ فظيع والثوانى مؤلمه
مقدرش اعيشه ولا حتى اقدر اتخيلوا
بقلمى//صابر الطوخى
المصدر: ايوه ده دمى// بقلمى// صابر الطوخى
