وعدى وفوت
على بيوت اللى نادوا الموت
لكل بريئ..... 
ولا خافوا يجيلهم يوم 
مالوا سكوت من المظلوم
بقلب جريئ......
💙💙💙💙💙💙
وبدل خوفك البهتان
 على حالى
وخاف على نفسك الخايفه
تقول مالى
وشد لحافك اتغطى
مادام للبال بقيت خالى
صحيح الدم مش ميه
لكن عند الإله غالى
❤❤❤❤❤❤❤❤
اعزف عالوتر حزنك
واتلملم على بعضك
وشوف مين اللى كان ضدك
ومين الجاى من بعدك
ونادى حد من توبك
يسند فيك يكون جنبك
وقول انك على أدك
وعايز حد من طبعك
💜💜💜💜💜💜💜
ومتقولشى حلاوة روح
روح صرخ ماكان ماتروح
لا هيدروا ولا يحسوا
عشان دورك تكون مدبوح
ولو سلمت لروايتى
اركب فى سفينة نوح
وعدى حروفى وحكايتى
أنا بروحى بنادى الروح
ولا قصدى تكون مجروح
أنا قلمى بيكتب بوح
💖💖💖💖💖💖
بس انا قصدى حبة حب
نجمعهم ولانقول صعب
نقسمهم كده على بعض
بدل ما ندوق مرار الغلب
وما نصبر على عذابنا
ونداوى جروح القلب
وان دق الموت على بابنا
خلود الأرض أكبر كدب
💗💗💗💗💗💗💗
كلماتى /إيمان مبارك ابو الحسن