اضحك ع الدنيا من قلبك ....
لما تتفرج على حبايبك..
وهما بيكدبوا الكدبه عليك
وانت عارف انهم كدبوها لاجلك....

 لاجل روحك..لاجل قلبك..
وكدبهم بجد كان مقصود...وقاصدك....
هما قاصدين يجرحوك
ويشوفوا ألمك...
يوجعوك...ويسألوك
مين اللى جرحك؟....
حاجه فوق الوصف منهم...
حاجه فعلآ مستفزه بجد طبعك...
بس انت مش محتاج لكدب الكدابين....
إوعى مره تنادى ليهم
يبقوا جنبك....
دول يترموا ف الماضى عندك...
زى أى حاجه بتروح ف السنين
اللى عدت بيك..بعمرك....
كون أد كدب الكدابين
واضحك وعدل من ملامحك....
إوعى مره تقول ضعفت
إستحاله يشوفوا دمعك.....
خبى كل الحزن منهم
إنت صدقك لون مشاعرك...
بس ماينفع تعيش
جنب كدب ف كدب تاعبك...
ابتسم وكون ملاك
واجبر الشيطان يفارقك ..
بابتسامتك ......
كلماتى/إيمان مبارك ابو الحسن