جارى التحميل
استخدم زر ESC أو رجوع للعودة
ايوه هنساكى بيها
وهبيع الدنيا عشانها
وهفضل مشتريها
ايوه بتباهي بحبهاا
وبكل نبضه عشقتهاا
حقيقه مقدرش أخفيها
اللي وقفت جنبى ف محنتى
ورجعني تاني اعشق دنيتي
مفيش حاجه ف الكون تغلى عليهاا
تستاهل تسكن بين ضلوعي
وبنبض قلبي اغطيها
تستاهل تدوب دوب ف روحى
وجوه حضنى ادفيها
ايوه هنساكى بيها
وهعيش لها باقي عمري
وبغرام الكون حرويها
قلبي كان مات وروحى راحت
من جفاك وقسوتك ريحته فاحت
دلوقتي بس افتكرتى
وجايه تحسبيها
لما رجعتني انسان تاني
وعالجتني من يأسي وادماني
عايزه بخنجر خداعك تطعنيها
كنت فين وهي بتبكى
بدل الدموع دم
كنت فين وهي سهرانه
غرقانه ف الجراح والهم
دلوقتي راجعه بكلمتين تسجديها
وبدموع التماسيح تعذبيها وتئلميها
هي مكنتش طمعانه فيا
ولا فكرت لحظه ترسم عليا
دي استلمتني جثه همدانه
وحفظت العيش والملح
وصانت الامانه
انا لا كنت فايق اكلمها
ولا حاسس بيها
لكنها حاولت وعملت اللي عليها
دلوقتي جايه من حقها تمنعيها
مجتيش ليه من شهر تعزيها
وتدفنى جثتى معاها وتواسيها
وتشوفي حبيبك اللي دبحتيه
وهو بيموت الف مره بين إيديهاا
عيشى مكانها لحظه حسيها
وكفايه بقى ابعدى عنها وإرحميها
مش انت اللي اختارتي طريقك
راجعه تانى ليه تأنبيها وتجرحيها
هى كلمه واحده لازم تفهميها
اللي وقفت جنبى ف عز موتى
هى احق تكون مدفنى تكون تابوتى
وإستحاله هسمحلك توجعيها
انت اللي زرعتي الآرض جراح
وآن الآوان تعصريها وتشربيها
بقلمى// صابر الطوخى
المصدر: صابر الطوخي
