منيش آدم
ياآم المشاعر متباعه
من بعد فراقنا وبساعه
      كتبتك شعر
وصفتك حاجه بامانه
ملامحك شبه بهتانه
كأنك لوحه جوه ازاز
عملت عروض ع البرواز
     مجبش السعر 
      منيش أدم
ولا انتي كنتي يوم حوا
عشان ع الارض بيكي انذل
 يا قاتله النبض من جوه
      منيش ايوب 
ولا هبقي ف يوم يوسف 
ولا بيرك عليه هنجر 
ولا هبقي ف يوم يونس
ولا انتي شبه بطن الحوت
عشان حبك ينجيني
يا اتعس بنت ف الملكوووت
انا حي لكني هموت
 لو قربك والله يحييني
أنا رافض بعلو الصوت
       ما انا الحر
وهمشي طريقي للآخر 
جراحك صنفها فاخر
وهرضي بالغياب والمر
وهبتك حب من ذوقي
مع انك سم ف عروقي 
 وكان مبدور وانا المضرور
لكني بجد عمري ماضر
منيش مكتوب اكون ليكي
     خيوط الحب 
ولا حتى ناويها ف يوم
كل الشعر كان فيكي
لكن قلبي ما داق ولا حب
ولا جيبت مره عليكي اللوم
يا شوكة ف ورده تشبه سل 
دخلتي القلب بشمالك
خدشتي القلب وعروقي 
قطعت الحبل من طوقي
اكيد غيري اكيد جالك
بإسم البعد بحلفلك
بإن القرب شبه ممل 
ف انا اسف 
ياريت من وهم بقا تفوقي
 طريقك صعب وطريقي
كان أعمي وكنت بضل
شربتك قهوه كالعاده
شربت المر بزياده
ماكنتيش حلوه ولا حاجه
ولا فيكي اي حاجه تشد
بالعكس أقل كتير من الناس
    الفرق انك كدابه
عديت لك كتير وبعد 
كدبتي كتير لكني خلاص
وعدتي كتير ودي وعودك
هتكوني ورده وانا عودك
وعدتي بكل شيء ليا
وأن القصه بينا تطول
صدقت بكل شيء فيا
ومديت لك كمان ايدي
لاقيتك فجأه بتسيبي
حبست الدمعه ف عنيا
سال الدم ف وريدي
اساس البعد كان انتي
يا تاعبه القلب طب غيبي
عرفت ان الاساس عيبي 
عشان أنجح بكل قبول
اكون عامل حساب جيبي
✍️/عبدالفتاح عزت