◾◾صريع الدير ◾◾
           ◾◾
حد ممكن طب يقولي
أنهي شرع وأنهي دين!!!!
يدي حق الدم للي
ماله له مله وماله دين!!!!!
قبطي مسلم أو يهودي
تحسابه ليه إنت ميين؟
مين إداك حق تملي؟
تحيي مين وتموت مين؟
مين إداك توكيل الهي؟
تخطف روح قالت آمين؟
ياللي واخد توكيل شيطاني
فوووق لنفسك لتكون حزين
واوعي شيطان جوه نفسك 
يقول بالدم تبقي رصين 
دا اللي يحني إيده دم
 عمر الحنه دي ماتزين 
واللي فاكر إنه ضم 
في كفه كنز يبقي..... شين
أنا مسلمة ومسلمة لله بدين
قال الموت دا حق وحقيقة 
مكتوب معاده ع الجبين
بس بأمر الخالق  يكون
مش بأمر  المخلوقين
خلي بالك م اللي جالك
شره نارك ف س و ج 
تيجي تترجي السماح
تلقاك في أسفل سافلين 
للدم حرمه مالها جنس 
مالها غير اللي يحس
مالها غير إنسان رزين
عقله ملكه وهو مالكه
مش تكية  للشياطين 
◾◾◾◾◾◾◾بقلم / مايسة إمام◾◾◾◾