ضحك هستيري
نفس الماشية والأسلوب
وحتي الضحكه هستيري
وقول هي اكيد يمكن
ودا جايز ودا الممكن
اشوفها ف ايد واحد غيري
كتير غيرها ومتعدش
بس الكل ما يشبهاش
خوفت انادي مترودش
سكت وقولت متحرجهاش
لقيت نفسي واحد غيري
يقول هي ويمكن حلم 
او لقطه اكيد م فيلم
ع غنوه بصوت انغام
كانت تشبه لبرج حمام
كان عالي وفوق البيت
ياريتني بجد من الاول 
ياريتني مشيت 
وفجاه الحيره واخداني 
لقيت نفسي واحد تاني
ملامحه بتشبه سواد اليل
متحاوط بشر وخير 
بيتحرك بأيد الغير
لا كان فاشل ولا معيوب
بأسم الصبر كان أيوب
بقيت بندم عشان حبيت
وقولت حكايه گ الحواديت
عن عاشق وكان محتار
لزهره جميله وسط النيل
لا شاف غيرها ولا بيختار
وتملي لهواها يميل
كانت زهره ف عوود صبار
كان أعمى وتاه ف الليل
لقيتني غريق ف وسط محيط
✍️/عبدالفتاح عزت