علامة استفهام      بقلم امل عبدالله
انت علامة استفهام انت لغز كبير
وجودك في حياتي له اثر خطير
بس انت لغز حير القلوب جنن التفكير
كل ما افكر اني فهمتك خلاص عقلي يطير
انت امير ولا انسان خطير ولا كداب كبير
علامه استفهام 
انت وهم ولا خيال ولا فارس وخيال
انت مين ممكن تقولي وبلاش غموضك قتلني
حاسة انك حلم جميل خايفه افوق منه اموت
نفسي اعرف الحقيقة وبرده خايفة انصدم
خايفة افوق علي وهم وعيش عمري في هم
علامة استفهام
كل ماتكون خلاص باقي خطوة تجري تاني ليه
جواك سر كبير خايف اتعرف عليه
ولا ليك حياة مش عايز حد فيها
طيب ليه قربت مني وقربتي ليها
كنت خليت الفواصل ومن غير الم نتواصل
قربت ليه من قلبي ولمسته
حسستني بجمالي وانوثتي 
وبمشاعري ناوي تعمل ايه
علامه استفهام
انت مرتاح جدا لحيرتي دي طرقتك مش طرقتي
بتحب لعبة الغموض ...بتحب تكون مهم
مش فارقة جوايه كتير بس حبك اهم
نفسي اصدق كلامك نفسي اامن لقلبك
بس المشكله علامه الاستفهام اللي جنبك
علامة استفهام
قصر الكلام هسيبك للايام تبين صدقك وكدبك
تفك لغزك وتعرفني قلبك
هستنا لما اشوف اخرت جدك ولعبك
مفيش في ايدي اي حل هفضل كده جنبك
احلل كل كلمة وافضل افكر
احاول اجمع خيوط الحكاية وكبر
لما تبان الحقايق وساعتها بس هحكم وقرر
علامة استفهام
كده كفاية كلام وسلام نفسي ارتاح وانام
وسيب كل حاجة علي ربي وربك 
يفك الاستفهام واعرف اجابة اسئلتي فيك
يا اكبر علامه استفهام مرت علي قلبي
يا علامه كبيرة تحير وتربك #امل